fbpx
logo
Info Sri Lanka | www.infosrilanka.lk

නව කොවිඩ් ප්‍රභේදය වාතයෙනුත් පැතිරෙයි: සංචරණ සීමා අත්‍යාවශ්‍යයි

පවත්නා තත්ත්වය තුළ කොවිඩ් වෛරසයේ නව ප්‍රභේදයක් රටට ඇතුළු වී ඇතැයි ශ්‍රී ජයවර්ධනපුර විශ්වවිද්‍යාලයේ ප්‍රතිජීව විද්‍යා හා අණුක විද්‍යා අධ්‍යනාංශයේ මහාචාර්ය නීලිකා මලවිගේ මහත්මිය පවසනවා.

රජයේ ප්‍රවෘත්ති දෙපාර්තමේන්තුවේ පැවති කොවිඩ් 19 පාලනය පිළිබඳ විශේෂ මාධ්‍ය සාකච්ඡාවට සහභාගී වෙමින් ඇය සඳහන් කළේ පළමු හා දෙවැනි රැළිවලට වඩා වෙනස් ආකාරයට මෙම නව ප්‍රභේදය හැසිරෙමින් පවතින බවයි.

ඒ අනුව උදාහරණයක් ලෙස පෙර තත්ත්වයේදී එක් පුද්ගලයෙකුගෙන් තවත් පුද්ගලයින් දෙදෙනෙකුට හෝ තිදෙනෙකුට වෛරසය ව්‍යාප්තවූයේ නම් නව තත්වය අනුව එක් අයෙකුගෙන් තවත් 5, 6 දෙනෙකුට වෛරසය බෝවීමේ හැකියාව පවතින බව ඇය මෙහිදී සඳහන් කළා.

එමෙන්ම නව තත්ත්වය යටතේ වෛරසය ආසාදනය වන තරුණ ප්‍රජාවටද දරුණු රෝග ලක්ෂණ මතු වීමේ ප්‍රවණතාවක් ද ඇති බව ඇය මාධ්‍ය අමතමින් සඳහන් කළා.

තවත මේ වන විට නව වෛරසය වාතය ඔස්සේ පැතිරීයාමේ අවධානමක් පවතින බවට ලෝක සෞඛ්‍ය සංවිධානයද පරීක්ෂණ මඟින් තහවුරු කර ඇතිබවද ඇය වැඩිදුරටත් සඳහන් කළා.

ඊට අදාළ දර්ශන පහතින්,

සංචරණ සීමා පැනවීමේ අත්‍යාවශ්‍ය බව GMOA පෙන්වා දෙයි

මේ අතර කොවිඩ් පැතිරීම පාලනය සඳහා යම් හෝ සංචරණ සීමාවක් පැනවීම අත්‍යාවශ්‍ය බව රජයේ වෛද්‍ය නිලධාරීන්ගේ සංගමයේ විධායක කමිටු පෙන්වා දී තිබේ.

සංගමයේ විධායක කමිටු සාමාජික වෛද්‍ය නවීන් ද සොයිසා මහතා සඳහන් කරන්නේ රජය ගතයුතු වැඩපිළිවෙළ අතර සංචරණ සීමා කිරීමේ යම්කිසි වැඩපිළිවෙලක් අවශ්‍ය කර තිබෙන බව ය.

එසේම ඔහු පැවසුවේ කොවිඩ්-19 වෛරසය කිසිදු පක්ෂයක් විසින් දේශපාලනීකරණය නොකළ යුතු බවකි.

වෛද්‍ය නවීන් ද සොයිසා මහතා ,

“රජය ගතයුතු වැඩපිළිවෙළ අතර සංචරණ සීමා කිරීමේ යම්කිසි වැඩපිළිවෙලක් අවශ්‍ය කර තිබෙන බව අපි දකිනවා. ඒ සංචරණ සීමා නීති හරහා සිදුකරනවා. ජනතාවටත් ආකල්ප වශයෙන් වෙනසක් කරගත යුතු වෙනවා. මේ ආකල්පවල වෙසක් සිදුනොවුනොත් මේ කෙතරම් නීති දැම්මත් අපට ගෝලීය වසංගතයක් පාලනය කිරීම සීමා සහිත වෙනවා. මේ මොහොත වනවිට පවතින රෝගී තත්ත්වය කළමනාකරණය කරගත හැකිව තිබෙනවා. හැබැයි මේ ඉදිරි දිනවලද‍ීත් සංචරණ සීමාවලින් එහාට ගිහිල්ලා විශේෂයෙන්ම ජනතාව තමන් හිතලා වගේම අනිත් පැත්තෙන් රජය හැටියට යම් ආකාරයක සංචරණ නියාමන පැනවීම තුළ, හැයාවක් ලැබෙනවා මේ රෝගය පැතිර යෑම වළක්වන්න. බොහොමයක් තැන්වල අපි දකිනවා දේශපාලන කොණයකින් දකින ආකාරයක් ගැන. විවිධ අය තමන්ට වාසිදායක වෙන ආකාරයට. ඒ කියන්නේ රෝග පාලනයවීමේ වාසිය එක් පිරිසක් ගන්න උත්සහ කරනවා. පාලනය නොවීමේ තත්ත්වය තව පිරිසක් දේශපාලනීය වාසි කරගන්න හදනවා. පක්ෂ විපක්ෂ වලට අපි ඉල්ලීමක් කරනවා මේක සෞඛ්‍ය අංශවලට ඔවුන්ගේ තීරණ මත කරගෙන යාමට ඉඩ දෙන්න.”

Related news

වැඩිම යාපනයට: ඇ.ඩො. මිලියන 3.98ක් : LPL කණ්ඩායම් වල වටිනාකම් මෙන්න

administrator

‘වියත්මග’ සභාපතිකම නාමල්ට

administrator

කොවිඩ් අරමුදල ගැන ජනාධිපති මාධ්‍ය නිවේදනය මුසාවක්?

administrator

රනිල් සහ සජිත්ගේ ‘මානවම්ම දේශපාලනය’

administrator

අද රාත්‍රියේ සිට සංචරණ සීමා පැනවෙන ආකාරය මෙන්න

administrator

අසාමාන්‍ය කොටස් ගනුදෙනු නිසා කොටස් වෙලඳපොළ කැළඹෙයි

administrator