Info Sri Lanka | www.infosrilanka.lk

ටෝකියෝ ඔලිම්පික් තරඟාවලියට කොන්ඩම් 160,000ක්

ජපානයේ ටෝකියෝ නුවරදී ලබන මස 23 වනදා ආරම්භ වීමට නියමිත ඔලිම්පික් තරඟාවලිය වෙනුවෙන් එක්වන ක්‍රීඩක ක්‍රීඩිකාවන් සඳහා උපත් පාලන කොපු 160,000ක් නොමිලේ නිකුත් කිරීමට මෙවර ඔලිම්පික් සංවිධායකයින් පියවර ගෙන තිබෙනවා.

කෙසේ වෙතත් ඔලිම්පික් සංවිධායකයින් පවසන්නේ එම උපත් පාලන කොපු තරඟාවලිය පැවැත්වෙන කාල සීමාව තුල කිසිඳු ක්‍රීඩක ක්‍රීඩිකාවකට භාවිත කිරීමට අවසර ලබා නොදෙන බවයි.

එලෙස ලැබෙන උපත් පාලන කොපු ඔලිම්පික් තරඟාවලිය අවසන් වූ පසු එම ක්‍රීඩක ක්‍රීඩිකාවන්ට සිහිවටනයක් ලෙස රැගෙන යාමට අවසර හිමිවන බවයි සංවිධායකයින් වැඩිදුරටත් පවසනේ.

ගෝලීයව පැතිර යන කොවිඩ් වසංගත තත්ත්වය හේතුවෙන් තරඟාවලියට එක්වන ක්‍රීඩක ක්‍රීඩිකාවන්ට ශාරීරික වශයෙන් කිසිඳු සබඳතාවක් පැවැත්වීමට අවසර ලබා නොදෙන බව මෙවර ඔලිම්පික් සංවිධායකයින් පවසා සිටියා.

ඔලිම්පික් ගම්මානයේ රඳවනු ලබන සියලු දෙනා සමාජ දුරස්ථ භාවය පිළිබඳ මාර්ගෝපදේශ පිළිපැදිය යුතු බවට ජාත්‍යන්තර ඔලිම්පික් කමිටුව දැඩිව ඉල්ලා සිටින බවයි විදෙස් මාධ්‍ය වාර්තා කරන්නේ.

මේ අතර ඔලිම්පික් තරඟාවලියට දේශීය ප්‍රේක්ෂකයන් සහභාගි කරගන්නේද නැද්ද යන්න පිළිබඳ අනිද්දා රැස්වී අවසන් තීරණයක් ගැනීමට සංවිධායක මණ්ඩලය සූදානම් වනවා.

කොරෝනා වසංගතය පැතිරීම අවම කරගැනීමේ අරමුණින් ප්‍රේක්ෂකයන් නොමැතිව තරගාවලිය පැවැත්විය යුතු බවයි එරට සෞඛ්‍ය අංශ නිර්දේශ කර ඇත්තේ.

කෙසේ වෙතත් ඔලිම්පික් තරගාවලිය සඳහා අවම ප්‍රේක්ෂක පිරිසක් සහභාගි කරගැනීමට ඔලිම්පික් සංවිධායක කමිටුවේ අවධානය යොමු ඇති බැවින් ඒ පිළිබඳ තවදුරටත් සාකච්ඡා කිරීමටයි නියමිත බවයි විදෙස් මාධ්‍ය වාර්තා සඳහන් කළේ.

මෙම තරඟාවලියට විදෙස් ප්‍රේක්ෂකයන් සහභාගි කර නොගැනීමට මීට පෙර තීරණය කර තිබුණා.

Related news

අයවැය කතාවෙදි බැසිල් බොරු කියලා [Video]

administrator

මත්පැන් මිල ඉහළ හැටි මෙන්න

administrator

KIU විශ්වවිද්‍යාලය අමානුෂිකයි: කෝවිඩ් ආසාධිත සිසුන්ට තර්ජනය කර බැණ වදියි

administrator

නිට්ටඹුව පොලිසියේ ඇස් වසා: ඉපැරණි කළුවර සහ කොස් ගස් කපන ජාවාරමක්!

administrator

ඈවරයි, දෑවරයි, තුන් ඈවරයි: ආණ්ඩුව ශ්‍රී ලංකන් ගුවන් සේවය විකුණන්න තීන්දු කරයි!

administrator

පර්චසයක් රුපියල් 500 බැගින් මුතුරාජවෙල අක්කර 400ක් සමාගමකට විකුණලා.

administrator