logo
Info Sri Lanka | www.infosrilanka.lk

ශ්‍රී ලංකාවේ මානව හිමිකම් කඩවීම් සම්බන්ධයෙන් ජාත්‍යන්තරයේ කණස්සල්ල

ශ්‍රී ලංකාව සම්බන්ධයෙන් ජිනීවා මානව හිමිකම් කවුන්සිලයට ඉදිරිපත් කෙරුණු 46/1 යෝජනාවේ සඳහන් කරුණු ඉටුකිරීමේ ප්‍රගතියක් නොපෙන්වීම පිළිබඳ එක්සත් රාජධානිය ඇතුලු යෝජනාවේ සමඅනුග්‍රාහකත්ව රටවල් සිය කණස්සල්ල පල කරනවා.

එම යෝජනාව ඉදිරිපත් කළ කැනඩාව, ජර්මනිය, උතුරු මැසඩෝනියාව, මාලාවි, මොන්ටිනීග්‍රෝ සහ එක්සත් රාජධානිය යන රටවල් ඒකාබද්ධ නිවේදනයක් නිකුත් කරමින් මේබව සඳහන් කර තිබෙනවා.

යුධ සමයේ සිදුවූ බව කියන සිද්ධින් පිලිබඳ විමර්ශනයක් කරන ලෙසත් , සුලුතර ආගමික කණ්ඩායම්වල ඇතුලු සියලු දෙනාගේ මානව හිමිකම් සුරක්ෂිත කරන ලෙසත් 46/1 යෝජනාවෙන් ඉල්ලා තිබුණා.

යෝජනාව ඉදිරිපත් කළ රටවල් පවසන්නේ ඒ සම්බන්ධයෙන් ප්‍රගතියක් දක්නට නොලැබීම පිළිබඳ තමන් කණගාටු වන බවයි.
සංකේතාත්මක නඩු ගණනාවක් නිෂ්ප්‍රභ කිරීමටත්, එම සිද්ධීන් සම්බන්ධයෙන් විමර්ශනය කළ නිලධාරීන්ට එරෙහිව අපරාධ නඩු පැවරීමටත් ශ්‍රී ලංකා රජය ක්‍රියාකර ඇතැයි සම අනුග්‍රාහක රටවල් නිකුත් කළ නිවේදනයේ සඳහන්.

මේ සම්බන්ධයෙන් කඩිනම් ගැඹුරු සහ අපක්ෂපාතී පරීක්ෂණයක් මානව හිමිකම් කවුන්සිලයෙන් ඉල්ලා සිටින එක්සත් රාජධානිය ප්‍රමුඛ රටවල් කණ්ඩායම අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ශානි අබේසේකරගේ ආරක්ෂාව සහතික කරන ලෙසද ඉල්ලා සි⁣ටිනවා.

ත්‍රස්තවාදය වැලැක්වීමේ පනත අඛණ්ඩව භාවිත කිරීම පිළිබඳ මෙන්ම ප්‍රමාණවත් අධිකරණ අධීක්ෂණයක් නොමැති පුනරුත්ථාපන ක්‍රියාවලියක් හඳුන්වා දීමේ ප්‍රයත්නය පිළිබඳ තමන් දැඩි ලෙස සැලකිලිමත්වන බව අදාල නිවේදනයේ සඳහන්.

නීතිඥ හිජාස් හිස්බුල්ලා නඩු විභාගයකින් තොරව රඳවාගෙන සිටීම සම්බන්ධයෙන් අවධානය යොමු කරවන අනුග්‍රාහක රටවල් කණ්ඩායම පෙන්වා දෙන්නේ ත්‍රස්තවාදී වැලැක්වීමේ පනත යටතේ දිගින් දිගටම සුලු ජාතීන් සහ විපක්ෂ දේශපාලනඥයින් අත්අඩංගුවට ගැනීම සිදුවන බවයි.

එමෙන්ම මෑතකදී සිදුවූ පොලිස් අත්අඩංගුවේ සිටියදී සැකකරුවන් මියයෑමේ සිද්ධීන් සම්බන්ධයෙන් අපක්ෂපාතී පරීක්ෂණයක් ද ඔවුන් ඉල්ලා සිටිනවා.

46/1 යෝජනාවට අදාළව මානව හිමිකම් කවුන්සිලය සමග සහයෝගයෙන් කටයුතු කිරීමට ශ්‍රී ලංකාව දිරිමත් කරන බවද කැනඩාව, ජර්මනිය, උතුරු මැසඩෝනියාව, මාලාවි, මොන්ටිනීග්‍රෝ සහ එක්සත් රාජධානිය යන රටවල් ඒකාබද්ධව නිකුත් කළ නිවේදනයේ වැඩිදුරටත් සඳහන්.

Related news

ප්‍රශ්න උග්‍ර වෙයි: ශ්‍රීලනිප කොටසක් දැඩි තීන්දුවක

administrator

පොලිසියේදී වධ දී මරා දැමූ ‍චදික් වික්‍රමාරච්චි වෙනුවෙන් මිලියනයක වන්දියක් ශ්‍රේෂ්ඨාධිකරණය නියම කරයි

administrator

විරෝධතා පලදරයි: කොතලාවල විශ්ව විද්‍යාලය, විශ්ව විද්‍යාල ප්‍රතිපාදන කොමිසම යටතට

administrator

මුදල් අමාත්‍යංශයේ රවීගේ වාර්තාවක් බැසිල් කඩලා

administrator

රිෂාඩ්ගේ ගෙදර මෙහෙකාර සේවයට යෙදවූ, පිලිස්සී මියගිය දැරිවියට ලිංගික අතවර වෙලා

administrator

වියත් ලේබල් ගොඩහේවාගෙන් අමාත්‍යංශ කෑල්ලක් ගලවයි: පවුලේ ශෂීන්ද්‍රට තවත් කෑල්ලක්

administrator