Info Sri Lanka | www.infosrilanka.lk

#FakeNewsAlert: සජිත්, Facebook එකේ බොරු කියලා: සමාජ මාධ්‍ය දිනයේ දී ම චෝදනාවක්

අසත්‍ය තොරතුරු සමාජ මාධ්‍ය ඔස්සේ පල කරමින් ජනතාව තුළ වැරදි අදහසක් ඇති වන ආකාරයට කටයුතු කළ බවට ලෝක සමාජ මාධ්‍ය දිනයේ දී විපක්ෂ නායකයාට චෝදනා එල්ල වී තිබේ.

ඊට හේතුවී ඇත්තේ පැහැරගෙන ගොස් උසාවියට ඉදිරිපත් කරන ලද ප්‍රමුඛ පාරිභෝගික අයිතිවාසිකම් ක්‍රියාධරයකු වෙනුවෙන් සමගි ජන බලවේගය නීතිඥ සහාය ලබා දුන් බවට විපක්ෂ නායකයා මුහුණු පොතේ පල කළ සටහනකි.

විපක්ෂ නායක සජිත් ප්‍රේමදාස වෙත ලිපියක් යොමු කරමින් ‘ජනතා නීතිඥයෝ’ සංවිධානය දැනුම් දී ඇත්තේ ඔහුගේ එම පළ කිරීම හේතුවෙන් තම සංවිධානය මෙන්ම නීතිඥවරුන්ද බලවත් අපහසුතාවයකට පත්ව ඇති බවයි.

නීතිඥ නාමල් රාජපක්ෂගේ අත්සනින් යුතුව යොමු කර තිබෙන ලිපිය මගින් පෙන්වා දී ඇත්තේ පාරිභෝගික අයිතීන් සුරැකීමේ සංවිධානයේ සභාපති අසේල සම්පත් ජුනි 26 දින අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන කොළඹ ප්‍රධාන මහේස්ත්‍රාත් අධිකරණයට ඉදිරිපත් කළ අවස්ථාවේ ඔහුට ඇප ලබා ගැනීම සදහා ‘ජනතා නීතිඥයෝ’ සංවිධානයේ සේනක පෙරේරා, මංජුල පතිරාජ, මංජුල ශ්‍රී චන්ද්‍රසේන, නාලක ප්‍රියවංශ, ලලිත් පතිරණ යන නීතිඥවරුන් පෙනී සිට කරුණු ඉදිරිපත් කිරීමෙන් පසු අධිකරණය විසින් ඇප නියම කළ බවයි.

“මෙසේ තිබියදී එදින හවස් වරුවේ ඔබගේ මුහුණු පොතේ පෝස්ටුවකින් සදහන් කර තිබුනේ අසේල සම්පත් මහතා වෙනුවෙන් සමගි ජන බලවේගයේ නීතිඥවරුන්ගේ සහාය ලැබී තිබුණු බවයි.”

සජිත් ප්‍රේමදාස සඳහන් කරන ආකාරයට අසේල සම්පත්ට ඇප ලබා ගැනීම සදහා ඉදිරිපත් වු ඉහත කී නීතිඥවරුන් කිසිවෙක් ‘සමගි ජන බලවේගයේ’ නීතිඥවරු නොවන බව පෙන්වා දෙන නීතිඥ නාමල් රාජපක්ෂ විපක්ෂ නායකයාට වැඩි දුරටත් දැනුම් දී ඇත්තේ, ඔහු සදහන් කරන ආකාරයට සමගි ජන බලවේගයේ කිසිදු නීතිඥවරයෙක් ඉහත කී නීතිඥවරුන්ට අමතරව එදින අධිකරණයේ පෙනී නොසිටිය බවයි.

එසේ තිබියදී විපක්ෂ නායකගේ මුහුණු පොතේ මේ ආකාරයට පෝස්ටුවක් ඉදිරිපත් කරමින් ජනතාව තුළ වැරදි අදහසක් ඇති වන ආකාරයට කටයුතු කිරීමෙන් සිය සංවිධානය මෙන්ම එහි නීතිඥවරුන්ද බලවත් අපහසුතාවයට පත්ව ඇති බව දැනුම් දෙන ‘ජනතා නීතිඥයෝ’ විපක්ෂ නායකගෙන් ඉල්ලා ඇත්තේ මුහුණු පොත ඔස්සේ ඉදිරිපත් කරන ලද එම පෝස්ටුව නිවැරදි කිරීමට අවශ්‍ය කටයුතු කරන ලෙසයි.

දෙමළ තරුණයන් අත්අඩංගුවට:

දෙමළ ජාතික සන්ධානයේ පාර්ලිමේන්තු මන්ත්‍රී ශානක්යන් රාසමානික්කම් පසුගියදා සදහන් කර තිබුනේ ‘ෆේස්බුක්හි ප්‍රචාරක සටහන් පළ කිරීමේ’ චෝදනාව මත පසුගිය වසර තුළ දෙමළ තරුණයන් 100කට වැඩි පිරිසක් අත්අඩංගුවට ගෙන ඇති බවයි.

ශ්‍රී ලංකා සමාජ මාධ්‍ය ජාල විමර්ශනය කිරීම සඳහා විශේෂ රහස් පොලිස් කණ්ඩායමක් පත් කර ඇති බව මහජන ආරක්ෂක අමාත්‍යාංශ ලේකම් මේජර් ජෙනරාල් ජගත් අල්විස් ප්‍රකාශ කරයි.

ලෝක සමාජ මාධ්‍ය දිනය ජූනි 30 යෙදී තිබේ.

Related news

වයස 16ක සිසුවෙකු වසර 4ක් ලිංගිකව අපයෝජනය කළ ගුරුවරිය

administrator

ශ්‍රී ලංකා ක්‍රිකට් කණ්ඩායමේ බස් රථයක තිබී වෙඩි උණ්ඩ දෙකක් සොයා ගැනේ

administrator

පාස්කු ඉරිදා ප්‍රහාරයේ පරීක්ෂණ ගැන කියන්න; කාදිනල් හිමි හෙට වතිකානයට

administrator

ලොහාන්ගේ අමාත්‍යංශය යළිත් පිහිටුවයි: ඇමතිකම පෙන්ඩින්!

administrator

උපාධිය දවසේ ගත්ත පින්තූරයෙන් ජනප්‍රිය වුණු චාමිකා (photos)

administrator

ජනාධිපතිටත් වඩා පඩි ගන්න නර්ස්ලා: නර්ස් හාමුදුරුවෝ හෙළිකරයි

administrator