logo
Info Sri Lanka | www.infosrilanka.lk

ශ්‍රී ලංකා ක්‍රිකට් කණ්ඩායමේ ක්‍රීඩකයෙකුට කොරෝනා

ඉන්දීය සංචාරය සඳහා අතිරේකව සුදානම් කර තිබු ශ්‍රී ලංකා සංචිතයේ ක්‍රීඩකයෙකුටද කොවිඩ් වෛරසය ආසාදනය වී ඇති බව තහවුරු වී තිබෙනවා. ශ්‍රී ලංකා ක්‍රිකට් අභ්‍යන්තර ආරංචි මාර්ග අනුව කොළඹ පුහුණුවීම් සඳහා ජෛව ආරක්ෂක බුබුලකට යටත්ව සුදානම් කර සිටි ජේෂ්ඨ ක්‍රීඩකයින් ගෙන් සැදුම්ලත් සංචිතයේ ක්‍රීඩකයෙකු මෙලෙස කොවිඩ් ආසාදිතව ඇති බවයි හෙළිවී ඇත්තේ.

කොවිඩ් වෛරසය ආසාදනය වී ඇති ක්‍රීඩකයා සඳුන් වීරක්කොඩි බවයි ශ්‍රී ලංකා ක්‍රිකට් ආරංචි මාර්ග සඳහන් කරන්නේ.

කොළඹ සිනමන් ග්‍රෑන්ඩ් හෝටලයේ නවාතැන් ගෙන සිටි මෙම ජේෂ්ඨ ක්‍රීඩකයින් 15 දෙනා ගෙන් යුත් අතිරේක කණ්ඩායම පුහුණු තරගයක් සඳහා දඹුල්ල ප්‍රදේශය බලා ඊයේ රාත්‍රියේ පිටත් කර තිබෙනවා. ඒ ඉන්දීය සංචාරයට පෙර පුහුණුවක් ලෙසයි.

සිනමන් ග්‍රෑන්ඩ් හෝටලයේ නවාතැන් ගෙන සිටි භානුක රාජපක්ෂ, අසේල ගුණරත්න, ඇන්ජලෝ පෙරේරා ඇතුළු ක්‍රීඩකයින් මේ වන විට නිරෝධායනය සඳහා යොමු කොට තිබෙනවා.

මේ අතර තවත් 24 දෙනෙකුගෙන් සමන්විත පුහුණු සංචිතයක් දඹුල්ල ප්‍රදේශයේ පුහුණුවීම්වල යෙදෙන අතර ඔවුන්ට වෛරසයේ බලපෑමක් එල්ලවී නොමැති බවයි ශ්‍රී ලංකා ක්‍රිකට් ආයතනය සඳහන් කරන්නේ.

ජාතික ක්‍රිකට් කණ්ඩායමේ පුහුණු කාර්ය මණ්ඩලයේ සාමාජිකයින් දෙදෙනෙකු කොවිඩ් වෛරසය ආසාදනය වීම හේතුවෙන් එංගලන්ත සංචාරයට සහභාගිවී පැමිණි කණ්ඩායමේ සියලු දෙනා මේ වන විට නිරෝධායනය සඳහා යොමු කොට ඇති බැවින් එළඹෙන ඉන්දීය තරගාවලිය සඳහා අතිරේක පුහුණු සංචිතයක් කැඳවීමට ශ්‍රී ලංකා ක්‍රිකට් ආයතනය පියවර ගන්නා ලදියි.

Related news

ප්‍රශ්න උග්‍ර වෙයි: ශ්‍රීලනිප කොටසක් දැඩි තීන්දුවක

administrator

පොලිසියේදී වධ දී මරා දැමූ ‍චදික් වික්‍රමාරච්චි වෙනුවෙන් මිලියනයක වන්දියක් ශ්‍රේෂ්ඨාධිකරණය නියම කරයි

administrator

විරෝධතා පලදරයි: කොතලාවල විශ්ව විද්‍යාලය, විශ්ව විද්‍යාල ප්‍රතිපාදන කොමිසම යටතට

administrator

මුදල් අමාත්‍යංශයේ රවීගේ වාර්තාවක් බැසිල් කඩලා

administrator

රිෂාඩ්ගේ ගෙදර මෙහෙකාර සේවයට යෙදවූ, පිලිස්සී මියගිය දැරිවියට ලිංගික අතවර වෙලා

administrator

වියත් ලේබල් ගොඩහේවාගෙන් අමාත්‍යංශ කෑල්ලක් ගලවයි: පවුලේ ශෂීන්ද්‍රට තවත් කෑල්ලක්

administrator