Info Sri Lanka News | www.infosrilanka.lk

පොලිසියේදී වධ දී මරා දැමූ ‍චදික් වික්‍රමාරච්චි වෙනුවෙන් මිලියනයක වන්දියක් ශ්‍රේෂ්ඨාධිකරණය නියම කරයි

2017 වසරෙහි පෙබරවාරි 05වන දින අත්අඩංඟුවට ගෙන පොලිසිය විසින් වධ දී මරා දමන ලද චදික් ශර්මන් වික්‍රමාරච්චි වෙනුවෙන් රැපියල් මිලියනයක වන්දියක් ගෙවන සේ ශ්‍රේෂ්ඨාධිකරණය පසුගිය 14දා තීන්දුවක් ප්‍රකාශයට පත් කලේය.

මෙම මූලික අයිතිවාසිකම් පෙත්සම ඉදිරිපත් කර තිබුණේ ජයමුණි අනුරාධා නිල්මිනි විජේසේකර විසිනි.

‍මෙම මූලික වශයෙන් නඩුව පවරා තිබුණේ ඔහු අත්අඩංඟුවට ගැනීමට පැමිණි පොලිස් නිලධාරීන් පස් දෙනාට විරුද්ධවය. ඔවුන් නම් පොලිස් කොස්තාපල්වරුන් වන සුමේධ තුස්හංග, ඉන්දික ප්‍රියදර්ශන, චානක රුක්මන්, ලහිරු රොෂාන් සහ අජිත් ජයලාල් යන අයට විරුද්ධවය.

මෙම පොලිස් කොස්තාපල්වරුන් පස් දෙනා චදික් ශර්මන් අත්අඩංගුවට ගත්තේ උදෑසන 4.00 ය. එදිනම උදැසන 9.00 පමණ ඔහු බැලීමට ගිය නිල්මින් විජේසේකරට ඔහු මිය ගොස් ඇතැයි පොලීසිය කියා සිට තිබේ.

ඔහුගේ මරණයට හේතුව ප්‍රශ්ණ කිරීම අතරතුරදී ඇති වූ ඇදුම රෝගයෙන් ඇතිවූ හුස්ම ගැනීමේ අමාරුවක් යැයි ද පොලිසීය කිවේය.

එනමුත් ඔහුගේ පශ්චාත් මරණ පරීක්ෂන වාර්තාවට අනුව ඔහුගේ සිරුරේ පහරදීම් මගින් ඇතිවන ලකුණූ 28ක් තිබුණි. විශේෂඥ අධිකරණ වෛද්‍ය නිලධාරියා ව්ර්තා කර තිබුණේ ඒම ලකුණු පහරදීමකින් ඇතිවන ඒ්වාට සමාන බවයි.

තමන් චදික් ශර්මන්ට පහර නොදුන් බවත් ඔහුට ඇදුම අමාරුව සෑදී මිය ගිය බව පොලිස් කොස්තාපල්වරුන් පස් දෙනා දිව්රුම් ප්‍රකාශයක් මගින් කියා සිටියෝය. එපමණක් නොව ඔහු අත්අඩංගුවට ගත්තේ කාර් හොරකමක් පිළිබඳව යැයි ද කීවෝය.

අධිකරණය පහර නොදීමේ කතාව පිළිනොගත්තා පමණක් නොව ඔහුට පහරදීම සමිබන්ධයෙන් එම පස්දෙනා වගකිය යුතු යැයිද තීරණය කළේය. පොලිසිය විසින් ඡදික් හර්මන්ගේ ජිවිතයට ඇති මූලික අයිතිවාසිකම කෙළෙසා ඇති බවට ද ශ්‍රේෂ්ඨාධිකරණය තිරණය කළේය.

පොලිස් අත්අඩංගුවෙහිදී සිදුවූ මෙම මරණය ගැන නීතිපතිවරයා විසින්ද මෙම පොලිස් කොස්තාපල්වරුන් පස්දෙනාට විරුද්ධව නඩු පවරා තිබුණි. ඔවුනට දඩුවම් ලැබෙනු ඇත්තේ ඒ අනුවය.

ශ්‍රේෂ්ඨාධිකරණය චදික් හර්මන්ගේ බිරිදට රුපියල් මිලියනයක වන්දියක් ගෙවිය යුතු යැයි නියම කළේය. ඉන් 750,000 ක් රජය විසින්ද ඉතිරි 250,000 පොලිස් කොස්තාපත්වරුන් පස් දෙනා විසින්ද ගෙවිය යුතුය. මෙම වන්දි මුදලින් ලක්ෂ පහක් චදික් ශර්මන්ගේ දරුවන් දෙදෙනා නමින් සමානව බැංකුව තැන්පත් කරන ලෙසත් ඉතිරි ලක්ෂ පහ ඔහුගේ බිරිදට ලබා දෙන ලෙසත් ඒම නියෝගයේ තවදුරටත් සදහන් වේ.

ජයමුණි අනුරාධා නිල්මිනි විජේසේකර වෙනුවෙන් නිතිඥ ලක්සාන් ඩයස් නීතිඥ මනීශා කුමාරසිංහ සමඟ පෙනී සිටියේය.

නඩුව විභාග කරන ලද්දේ පද්මන් සූරසේන, ජනක් ද සිල්වා සහ එම්.ඒ. සමයවර්ධනය යන විනිසූරුවරුන් හමුවෙහිය.

[Sri Lanka Brief]

Related news

මහ බැංකුව සල්ලි කුණු දෙන්න කෙනෙක් හොයයි.

administrator

මෙරට ලිංගික ශ්‍රමිකයන් ගැන මෛත්‍රීපාල නව සොයාගැනීමක් කරලා!

administrator

Fact Check සඳුන් PMD එකට ගිය හේතුව මෙන්න; පුවත් වල ඇත්ත-නැත්ත හොයන්න ජනාධිපති ඒකකයක්!

administrator

රණවීරගේ පුත්‍රයාට පොහොට්ටුවේ දේශපාලන ඇකඩමියෙන් ශිෂ්‍යත්වයක්!

administrator

වාහන ගෙන්නපු DIMO සමාගම ඖෂධ ආනයන සමාගම් දෙකක් මිලදී අරන්.

administrator

බිග් බෑශ් ලීගයට වසර 07කට පසු ශ්‍රී ලාංකිකයෙක්

administrator