Info Sri Lanka | www.infosrilanka.lk

නිට්ටඹුව පොලිසියේ ඇස් වසා: ඉපැරණි කළුවර සහ කොස් ගස් කපන ජාවාරමක්!

නිට්ටඹුව ප්‍රදේශයේ පිහිටි ඉඩමකට බලහත්කාරයෙන් ඇතුළු වී දැවැන්ත කොස් ගස්, වටිනා කළුවර ශාක ඇතුළු පැරණි ගස් රාශියක් කපා අනවසරෙන් ප්‍රවාහනය කර විකුණන ජාවාරමක් පිළිබඳව නිට්ටඹුව අප විශේෂ වාර්තාකරු පවසයි.

මෙසේ අනවසරයෙන් බලපත්‍ර රහිතව කොස්,කළුවර ඇතුළු වටිනා ශාක කපා දැමීම සිදු කරන්නේ නිට්ටඹුව ප්‍රදේශයේ පිහිටි පොල්ගහආගර වත්ත නම්, ඝාතනය වූ කොළඹ බිලියනපති අශෝකා දසනායකට අයත් ඉඩමේ ය.

මේ වන විට මෙම ඉඩම සම්බන්ධයෙන් ව්‍යාජ ඔප්පු සෑදීමේ චෝදනාව මත රක්ෂිත බන්ධනාගාරගතව සිටින මෙම ඉඩමේ මුරකරු ලෙස සේවය කළ ධනසිරි විජේසිංහ ගේ පුත්‍රයා වන තිලංක විජේසිංහ නැමැත්තා මෙම වන සංහාරයට මූලිකත්වය ගෙන සිටින බව වාර්තා වේ.

කළු මල්ලි, පස්සයාල සුමිත්, කුඩු සුනිල් හෙවත් කළු සුනිල් යන අයගේ සහාය ඇතිව තිලංක විජේසිංහ විසින් මාස කිහිපයක සිට මෙම ජාවාරම මෙහෙයවමින් සිටින අතර කළු මල්ලි නමින් හදුන්වන පුද්ගලයා විසින් කපන ලද දැව, ලී මෝල් වෙත විකිණීම කිසිදු නීතිමය අවසරයකින් තොරව සිදුකරන අතර ඒ සඳහා ට්‍රක් රථ ද භාවිතා කරන බවත් වාර්තා වේ.

මීට අමතරව එම ඉඩමේ වගා කොට ඇති අක්කර 15 පමණ අන්නාසි වගාව ද විනාශ කරමින් පැල ගලවා විකිණීම සහ පොල් අස්වැන්න රහසේ අලෙවි කිරීම ද මොවුන්ගේ කූට ජාවරම් අතරට අයත්ය.

ඉහත නම් සදහන් තිලංක විජේසිංහ සහ පස්යාලේ සුමිත් යන දෙදෙනා පොලිස් රාජකාරියට බාධා කිරීම යන චෝදනාව යටතේ දින 45 ක් රක්ෂිත බන්ධනාගාරගතව සිටි අය වන අතර තවත් චෝදනා කිහිපයක් මත ඇප පිට සිටින පුද්ගලයන් ද වේ.

මේ පිළිබඳව පළ වූ තවත් වාර්තා කිහිපයක් පහතින්,

කොළඹ බිලියනපතියා ඝාතනයේ සැකකරු හොර ඔප්පු ජාවාරමකට රිමාන්ඩ්: ඔප්පුවත් නැතුව වසර 3ක් නඩු!

Info Sri Lanka හෙළිදරව්වෙන් පසු ඉඩම් කොල්ල කන කල්ලි ඇල්ලීම CIDයට පවරයි

බිලියනපති අසෝකා ඝාතනයේ ප්‍රධාන සැකකරුවෙක් අත් අඩංගුවට

Related news

වයස 16ක සිසුවෙකු වසර 4ක් ලිංගිකව අපයෝජනය කළ ගුරුවරිය

administrator

ශ්‍රී ලංකා ක්‍රිකට් කණ්ඩායමේ බස් රථයක තිබී වෙඩි උණ්ඩ දෙකක් සොයා ගැනේ

administrator

පාස්කු ඉරිදා ප්‍රහාරයේ පරීක්ෂණ ගැන කියන්න; කාදිනල් හිමි හෙට වතිකානයට

administrator

ලොහාන්ගේ අමාත්‍යංශය යළිත් පිහිටුවයි: ඇමතිකම පෙන්ඩින්!

administrator

උපාධිය දවසේ ගත්ත පින්තූරයෙන් ජනප්‍රිය වුණු චාමිකා (photos)

administrator

ජනාධිපතිටත් වඩා පඩි ගන්න නර්ස්ලා: නර්ස් හාමුදුරුවෝ හෙළිකරයි

administrator