Info Sri Lanka News | www.infosrilanka.lk

පාස්කු ඉරිදා ප්‍රහාරයේ පරීක්ෂණ ගැන කියන්න; කාදිනල් හිමි හෙට වතිකානයට

පාස්කු ඉරුදින ත්‍රස්ත ප්‍රහාරයේ පරීක්ෂණවල වත්මන් තත්ත්වය පිළිබඳව පැහැදිලි කිරීම සඳහා අගරදගුරු අති උතුම් මැල්කම් කාදිනල් රංජිත් හිමිපාණන් හෙට (28) පෙරවරුවේ අති උතුම් ශුද්ධෝත්තම ෆ්‍රැන්සිස් පාප්වහන්සේ බැහැදැකීමට නියමිතය.

එම හමුව එරට වේලාවෙන් හෙට පෙරවරු 11ට වතිකානයේ සාන්ත පීතර චතුරස්‍රයේදී පැවැත්වීමට නියමිතව තිබේ.

අති උතුම් ශුද්ධෝත්තම ෆ්‍රැන්සිස් පාප්වහන්සේ බැහැදැකීම සඳහා අගරදගුරු අති උතුම් මැල්කම් කාදිනල් රංජිත් හිමිපාණන් වතිකානය බලා පිටත්ව ගියේ ඉකුත් 23 වනදා රාත්‍රීයේදීය.

2019 වසරේ පාස්කු ඉරුදින එල්ලකළ ත්‍රස්ත ප්‍රහාරය පිළිබඳව සිදුකෙරෙන විමර්ශන සම්බන්ධ වත්මන් තත්ත්වයත්, ඒ පිළිබඳ අගරදගුරු හිමිපාණන් ප්‍රමුඛ මෙරට කතෝලික සභාවේ ස්ථාවරයත් පාප්වහන්සේගේ අවධානයට යොමු කිරීමට නියමිත බව වාර්තා වෙයි.

මේ අතර අගරදගුරු අති උතුම් මැල්කම් කාදිනල් රංජිත් හිමිපාණන්ගේ වතිකාන සංචාරයට සමගාමිව පාස්කු ඉරුදින ත්‍රස්ත ප්‍රහාරයට යුක්තිය ඉල්ලා සංවිධානය කළ විශේෂ යැදුම් වැඩසටහනක් අද (27) වතිකානයේ සාන්ත පීතර චතුරස්‍රයේදී පැවැත්වුණි.

පාස්කු ඉරුදින ත්‍රස්ත ප්‍රහාරයේ යුක්තිය සඳහා වූ ගෝලිය සංසදය, එම වැඩසටහන සංවිධානය කර තිබු අතර ඊට යුරෝපයේ වෙසෙන ශ්‍රී ලාංකිකයන් පිරිසක් එක්ව සිටි බව වර්තා වෙයි.

Related news

කැබිනට් සංශෝධනයක්; ප්‍රබලයන් රැසක තටු ගැලවේ.

administrator

මහ බැංකුව සල්ලි කුණු දෙන්න කෙනෙක් හොයයි.

administrator

මෙරට ලිංගික ශ්‍රමිකයන් ගැන මෛත්‍රීපාල නව සොයාගැනීමක් කරලා!

administrator

Fact Check සඳුන් PMD එකට ගිය හේතුව මෙන්න; පුවත් වල ඇත්ත-නැත්ත හොයන්න ජනාධිපති ඒකකයක්!

administrator

රණවීරගේ පුත්‍රයාට පොහොට්ටුවේ දේශපාලන ඇකඩමියෙන් ශිෂ්‍යත්වයක්!

administrator

වාහන ගෙන්නපු DIMO සමාගම ඖෂධ ආනයන සමාගම් දෙකක් මිලදී අරන්.

administrator