fbpx

අධ්‍යාපන අමාත්‍යංශයෙන් ලිංගික අධ්‍යාපනය ගැන පාසල් ළමුන්ට පොත් පෙලක්!

HotLocalSex Positive

පාසල් සිසුන්ගේ ලිංගිකත්ව අධ්‍යාපනය ඉහළ නැංවීම සඳහා ක්‍රමවේද රැසක් ක්‍රියාත්මක කර ඇති බව අධ්‍යාපන අමාත්‍ය ආචාර්ය සුසිල් ප්‍රේමජයන්ත පවසයි.

අද පාර්ලිමේන්තුවේදී අදහස් දක්වමින් අධ්‍යාපන අමාත්‍යවරයා මේ බව සඳහන් කළේය.

එහිදී වැඩිදුරටත් අදහස් දැක්වූ අධ්‍යාපන අමාත්‍යවරයා සඳහන් කළේ මේ සඳහා අතිරේක කියවීම් පොත් 4ක් පාසල් පුස්තකාල වෙත ලබාදී ඇති බවය.

එහිදී වැඩිදුරටත් අදහස් දැක්වූ අධ්‍යාපන අමාත්‍ය ආචාර්ය සුසිල් ප්‍රේමජයන්ත

අධ්‍යාපන ප්‍රකාශන දෙපාර්තමේන්තුව විසින් උසස්පෙළ සිසුන් සඳහා “16+ යෞවනයට ආමන්ත්‍රණය” නමින් ලිංගිකත්ව අධ්‍යාපනය පිළිබඳව අතිරේක කියවීම් පොතක් පාසල් පුස්තකාල සඳහා සකස් කර බෙදාහැර ඇත. ඊළඟට අධ්‍යාපන අමාත්‍යාංශය මගින් 6 සිට ඉහළ ශ්‍රේණිවල සිසුන් සඳහා “මල්සමය ළඟයි”, 9,10,11 ශ්‍රේණි සඳහා “14+ අසිරිමත් නව යෞවනය” 6,7 ශ්‍රේණි සඳහා “12+ නව යොවුන් වියට පා තබමු” ලෙස සකස් කර ඇති අතිරේක කියවීම් පොත් මගින් ආර්ථව සෞඛ්‍ය පිළිබඳව සිසුන් දැනුවත් කිරීම සහ E තක්සලාව මගින් අධ්‍යාපන අමාත්‍යාංශය වෙබ් පිටුවද ඇතුළත් කර ඇත.”

“නවතම වාර්තා අනුව අවුරුදු 12ත් 47ත් අතර සියයට 40ක් පමණ පිරිසක් නිසි සෞඛ්‍ය ක්‍රමවේද භාවිත කරන්නේ නෑ කියලා තියෙනවා. ඒ නිසා විශේෂයෙන්ම දරුවන්ගෙන් මේ වැඩේ පටන්ගත්තොත් යම් කාලසීමාවක් තුළදී දැනුවත් කිරීමක් කරගන්න පුළුවන්, ඒ නිසා මම අමාත්‍ය මණ්ඩලයට සංදේශය ඉදිරිපත් කරලා සුභසාධනය සඳහා වෙන්කරලා තියෙන මුදල්වලින් ඒ සඳහා මුදල් වෙන්කරවාගෙන වැඩසටහන් අපි ඉදිරිපත් කළා. ලබන සතියේ ඒක අනුමත වේවී. ඒ අනුව අපි සූදානම් වෙනවා 6 ශ්‍රේණියෙන් ඉහළ දරුවන් ට වවුචරයක් ලබාදීලා ඒ වගේම අපි නිර්දේශ කරනවා සෞඛ්‍ය අමාත්‍යාංශයත් SLS එකත් අධ්‍යාපන අමාත්‍යාංශයත් එකතුව කමිටුවක් දාලා මේ වෙනකොට සාකච්ඡා කරලා නිර්දේශ කරලා තියෙනවා. ප්‍රමිතියෙන් යුතු සනීපාරක්ෂක උපකරණ මිලදීගැනීමට අවස්ථාව දෙන්න, වවුචරයක් දෙන එක පහසුයි.”

මීට පෙර ද මෙවැනි උත්සහයක් දැරු අවස්ථාවේදී මැදගොඩ අබේතිස්ස වැනි චීවරදාරියන් විසින් එම උත්සහය වැලැක්වීමට කටයුතු කිරීය.

පෙළපොත් සහ නිල ඇදුම් රෙදි නොලද පාසලක් වේ නම් දැනුම් දෙන්න!

මේ අතර රජයේ පාසල් සිසුන් වෙත 2024 වර්ෂයට අදාළව පාසල් පෙළපොත් සහ නිල ඇදුම් සදහා රෙදි නොලද පාසලක් වේ නම් ඒ පිළිබදව අධ්‍යාපන අමාත්‍යංශයට දැනුම් දෙන ලෙස විදුහල්පතිවරු දැනුවත් කර එම අමාත්‍යංශය නිවේදනයක් නිකුත් තිබේ.

මේ දක්වා පාසල් පෙළපොත් නොලැබුණු පාසල් වේ නම් 0112784815 හෝ 0112785306 යන දුරකථන අංක වෙතද, නිල ඇදුම් රෙදි නොලැබුණු පාසල් සම්බන්ධයෙන් 0112785573 යන දුරකථන අංකයටද දැනුම් දීමට හැකි බව අමාත්‍යංශය පවසයි.

මේ වනවිට සියලු පාසල් වෙත නිල ඇදුම් රෙදි සහ පාසල් පෙළ පොත් දිවයින පුරා කොට්ඨාශ අධ්‍යාපන කාර්යාල වෙත ලබා දී අවසන් බව අධ්‍යාපන අමාත්‍යංශය වැඩිදුරටත් සදහන් කරයි.

Leave a Reply