වව්නියාව දිස්ත්රික් ලේකම් කාර්යාලයීය, නව ශ්රවණාගාරය ජනතා අයිතියට පත් කිරීමේ උත්සවය, රාජ්ය පරිපාලන, ආපදා කළමනාකරණ, ආරක්ෂක රාජ්ය අමාත්ය චමල් රාජපක්ෂ මහතාගේ ප්රධානත්වයෙන් අද (01) පැවැති අතර ඊට සමස්ත ලංකා මහජන කොංග්රසයේ නායක පාර්ලිමේන්තු මන්ත්රී රිෂාඩ් බදියුදීන් මහතාද එක්ව සිටීම විශේෂ සිදුවීමක් විය.
ආණ්ඩුව 20 වන සංශෝධනය පාර්ලිමේන්තුවට ඉදිරිපත් කොට ඇති මේ මොහොතේ ඊට සහාය දැක්වීම සදහා විපක්ෂයෙන් මන්ත්රීවරුන් 20ක් එක්වන බවට ප්රකාශ නිකුත් වන පසුබිමක මෙම හමුව විශේෂ එකක් බවට දේශපාලන ක්ෂේත්රයේ කතාබහට ලක්වෙමින් තිබේ.
එමෙන්ම ඉකුත් ජනාධිපතිවරණ සමයේදී සහ මහමැතිවරණ සමයේදී ආණ්ඩුවේ නියෝජිතයන් බරපතළ චෝදනා එල්ල කරමින් කියා සිටියේ රිෂාඩ් බදුර්දීන් මහතා පාස්කු ප්රහාරයට සම්බන්ධ බවටත්, විල්පත්තු කැලය කැපීම සිදු කළ බවටත්, කිසිසේත්ම ඒ මහතා ආණ්ඩුවට එක් කර නොගන්නා බවටත්ය.
මෙම අවස්ථාවට ආණ්ඩුකාරවරු වන අනුරාධා යහම්පත්, මහීපාල හේරත්, පී.එච්.එම්. චාර්ල්ස් යන මහත්ම මහත්මීන්, පාර්ලිමේන්තු මන්ත්රීවරු වන කාදර් මස්තාන්, සෙල්වම් අඩ්ක්කලනාදන්, ආරක්ෂක ලේකම් මේජර් ජෙනරාල් (විශ්රාමික) කමල් ගුණරත්න යන මහත්වරු ඇතළු පිරිසක් සහභාගී වී සිටියහ.