fbpx
Info Sri Lanka

පාස්කු ප්‍රහාර කමිටුවට හිටපු ජනපති කී කතා පට්ටපල් බොරු!

දෙමළ ඊළම් විමුක්ති කොටි සංවිධානයේ (LTTE) මියගිය ක්‍රියාධරයකුගේ ඥාතියකු ශ්‍රී ලංකා මානව හිමිකම් කොමිසමට ඇතුලත්කර ගන්නා ලද බවට හිටපු ජනාධිපතිවරයා විසින් නගා ඇති චෝදනාව මානව හිමිකම් කොමිසමේ හිටපු සභාපතිනිය තරයේ ප්‍රතික්ෂේප කර තිබේ.

ඇගේ පදවියේ වගකීම් ඉටු කිරීම ගැන ප්‍රශ්න කරන්නට ඇය කැඳවන්නට සිදුවූ බව පාස්කු ප්‍රහාර පිළිබද ජනාධිපති විමර්ශන කොමිසන් සභාව හමුවේ පැවසූ ජනාධිපති මෛත්‍රිපාල සිරිසේනට පිළිතුරු දෙමින් කොමිසමේ හිටපු සභාපතිනි ආචාර්ය දීපිකා උඩගම පවසා ඇත්තේ එවන් චෝදනාවක් ගැන අසන්නට ලැබුණු මුල්ම වතාව මෙය බවයි.

“මා මානව හිමිකම් සභාවේ සභාපති බවට පත් 2015 ඔක්තෝම්බර් අවසානයේ සිට 2020 අගෝස්තු දක්වා වූ මාගේ සේවා කාලය තුළ දී එක් කාර්ය මණ්ඩල සාමාජිකයෙකු හෝ බදවා ගැනීමක් කළේ නැත,” යි ඇය ඒ සම්බන්ධයෙන් විමසා සිටි සතිඅන්ත ඉංග්‍රීසි පුවත් පතකට පවසා තිබේ.

”මා මානව හිමිකම් සභාවේ සභාපති බවට පත් 2015 ඔක්තෝම්බර් අවසානයේ සිට 2020 අගෝස්තු දක්වා වූ මාගේ සේවා කාලය තුළ දී එක් කාර්ය මණ්ඩල සාමාජිකයෙකු හෝ බදවා ගැනීමක් කළේ නැත,” යි ඇය ඒ සම්බන්ධයෙන් විමසා සිටි සතිඅන්ත ඉංග්‍රීසි පුවත් පතකට පවසා තිබේ.”

මානව හිමිකම් කොමිෂම LTTE යේ මියගිය ක්‍රියාධරයෙකුගේ පවුලේ සාමාජිකයෙකුට ඉදුම් හිටුම් සපයා ඇත්තේ ද? එසේනම්, මේ මියගිය LTTE සාමාජිකයාගේ නම සහ ඔහු හෝ ඇය මිය ගිය අවස්ථා හෙලි කළ හැකිද? යනුවෙන් සන්ඩේ අයිලන්ඩ් කර්තෘ මාණ්ඩලික ශමින්ද්‍ර ප්‍රනාන්දු විමසා තිබුණි.

“යම්කිසි කොමසාරිස්වරයෙකු, මියගිය LTTE සාමාජිකයකුගේ පවුලේ සාමාජිකයෙකු වීම ගැන මගේ දැනුවත් කමක් නැහැ. එමෙන්ම මා මානව හිමිකම් කොමිෂන් සභාවේ සභාපති බවට පත් 2015 ඔක්තෝම්බර් අවසානයේ සිට 2020 අගෝස්තු දක්වා වූ මාගේ සේවා කාලය තුලදී එවැනි කිසිවකු කොමිසම විසින් බඳවා ගනු ලැබූ බවක් ගැනද මගේ දැනුවත් කමක් නැහැ. මාගේ සේවා කාලය ඇතුලත මුල සිටම පැවැති පරිපාලනමය සංකූලතා හේතුකොටගෙන එක් කාර්ය මණ්ඩල සාමාජිකයකු හෝ බදවා ගැනීමට නොහැකි වුන එකයි ඇත්ත. අනෙක් අතින් මට විශ්වාසයි ඔබ දැනුවත් කියලා කොමසාරිස්වරුන් සම්බන්ධයෙන් ගත්තහම, 19 වැනි ව්‍යවස්ථා සංශෝධනයේ ප්‍රතිපාදන පරිදි එන ව්‍යවස්ථාදායක සභාවේ නිර්දේශ අනුව ජනාධිපතිවරයා විසින් සියළුම කොමසාරිස්වරුන් හා සභාපතිවරයා පත් කරන බව” යනුවෙන් ආචාර්ය උඩගම කරුණු පහදා තිබුණි.

ඇය තවදුරටත් පවසා ඇත්තේ කිසි දිනයක හිටපු ජනාධිපතිවරයා තමන් කැඳවා, මිය ගිය LTTE යේ මියගිය ක්‍රියාධරයකුගේ පවුලක සාමාජිකයකු මානව හිමිකම් සභාවේ කාර්ය මණ්ඩලයට ඇතුලත් කර ගත් බවට චෝදනාවක් තබා විමසීමක්වත් නොකළ බව යි.

”ඇය තවදුරටත් පවසා ඇත්තේ කිසි දිනයක හිටපු ජනාධිපතිවරයා තමන් කැඳවා, මිය ගිය LTTE යේ මියගිය ක්‍රියාධරයකුගේ පවුලක සාමාජිකයකු මානව හිමිකම් සභාවේ කාර්ය මණ්ඩලයට ඇතුලත් කර ගත් බවට චෝදනාවක් තබා විමසීමක්වත් නොකළ බව යි.”

කෙසේවෙතත්, 2017 මුල දී ජනාධිපතිවරයා හමුවන ලෙස මානව හිමිකම් කොමිසමේ සියළුම කොමසාරිස්වරුන්ට ලැබුණු ආරාධනාවක් අනුව පැවති රැස්වීමක දී මානව හිමිකම් කොමිසම මගින් 2016 ඔක්තෝබරයේ දී වධහිංසා වලට එරෙහි එක්සත් ජාතීන්ගේ කමිටුව (UNCAT) වෙත ඉදිරිපත් කර තිබූ වාර්තාව පිළිබඳව ජනාධිපති සිරිසේන නොමනාපය පල කර සිටි බව ඇය හෙළි කර තිබේ.

ජිනීවා කමිටු සැසිවාරයට 2016 දී සහභාගි වූ එවක ජාතික බුද්ධි සේවා ප්‍රධානී සිසිර මෙන්ඩිස් පෙරලා සියරට බලා පැමිණියේ ශ්‍රී ලංකාවේ කෙරෙන වධහිංසා සම්බන්ධයෙන් තමන්ගෙන් දැඩි ලෙස කරන ලද ප්‍රශ්න කිරීම් වලට කිසිදු පිලිතුරක් නොදෙමිනි.

නියෝජ්‍ය පොලිස්පති සිසිර මෙන්ඩිස්‌ 2008 මාර්තු මාසයේ සිට 2009 ජුනි දක්වා පොලිස් අපරාධ පරීක්ෂණ දෙපාර්තමේන්තුව (CID) හා ත්‍ර‍ස්ත විමර්ශන ඒකකය (TID) භාර ප්‍රධානියා ලෙස රාජකාරි කරද්දී පුද්ගලයන් රඳවාගෙන වධබන්ධන පැමිණවීම පිළිබඳව නගන ලද ප්‍රශ්න වලට ශ්‍රී ලංකාවේ ආණ්ඩුව මේතාක් පිළිතුරු දී නැත.

එම ප්‍රශ්න නගා ඇත්තේ දේශසීමා රහිත වාර්තාකරුවෝ (RSF), ශ්‍රී ලංකාවේ ප්‍ර‍ජාතන්ත්‍ර‍වාදය සදහා මාධ්‍යවේදියෝ (JDS) සහ ජාත්‍යන්තර සත්‍යය හා යුක්තිය පිළිබඳ ව්‍යාපෘතිය (ITJP) ද විසින් UNCAT කමිටුවට ලබා දී ඇති තොරතුරු අනුවය.

මෙවැනි සමාන්තර වාර්තා ඉදිරිපත් කරන ලෙස දේශීය මානව හිමිකම් ආයතන වලට මෙන්ම සිවිල් සමාජයටත් ඇරයුම් කිරීම එක්සත් ජාතීන්ගේ මානව හිමිකම් ආයතන වල සාමාන්‍ය පිළිවෙත බව හිටපු මානව හිමිකම් ප්‍රධානී සන්ඩේ අයිලන්ඩ් පුවත්පතට පහදා දී ඇත.
”මෙවැනි සමාන්තර වාර්තා ඉදිරිපත් කරන ලෙස දේශීය මානව හිමිකම් ආයතන වලට මෙන්ම සිවිල් සමාජයටත් ඇරයුම් කිරීම එක්සත් ජාතීන්ගේ මානව හිමිකම් ආයතන වල සාමාන්‍ය පිළිවෙත බව හිටපු මානව හිමිකම් ප්‍රධානී සන්ඩේ අයිලන්ඩ් පුවත්පතට පහදා දී ඇත.”

පාස්කු ප්‍රහාරවලට මග පෑදුනු දේශපාලන අර්බුදයට මානව හිමිකම් කොමිසන් සභාවේ කටයුතු මොනයම් අකාරයකින් හෝ සම්මාදම් වූ බවක් ඔබට සිතන්නේ දැයි නැගුණු පැනයට “නිසැකවම නැත” යි පිලිතුරු දෙමින් ආචාර්ය දීපිකා උඩගම පෙරලා විමසා ඇත්තේ, “ජනතාවගේ අයිතිවාසිකම් ආරක්ෂා කිරීම මෙවන් අර්බූදයකට හේතුවන්නේ කෙසේ ද?” කියායි.

“මම හිතාගෙන හිටියේ ස්වාධීන කොමිසන් සභා ඇතිකිරීම හා මානව හිමිකම් තත්වය දියුණු කිරීම සම්බන්ධයෙන් පසුගිය ආණ්ඩුව ප්‍රශංසා ලබාවි කියලා,” යි ඇය වැඩිදුරටත් පවසා තිබේ.

Related posts

වසර 13ක පාසල් කාලය වසරකින් අඩු කිරීමට යයි

administrator

ඉන්දියාවත් කොරෝනා එන්නත ලබා දීම පටන් ගනී

administrator

මහරගම දී ඇමති සරත්ගෙන් ඇමති දිනේෂ්ට ‘පොලිස් පාට්’ එකක්

administrator

ක්‍ෂුද්‍ර මූල්‍ය ණය නිසා කාන්තාවන්ගේ සිය දිවි නසා ගැනීම් ඉහළට

administrator

මහින්දානන්ද රංජන්ගේ නඩු දෙකක් ඉවතට ගන්න යයි

administrator

ඉන්දියාව වෙනුවෙන් කොළඹ වරාය ගැන ජනපති බොරු කියයි?

administrator

Leave a Comment

* By using this form you agree with the storage and handling of your data by this website.