fbpx
Info Sri Lanka | www.infosrilanka.lk

හම්බන්තොට වරාය ලෝකෙට තෙල් බෙදීම අරඹයි

හම්බන්තොට ජාත්‍යන්තර වරාය තම සේවාවන්හී සන්ධිස්ථානයක් සනිටුහන් කරමින්, ලොව ප්‍රමුඛ පෙළේ ගෝලිය ක්‍රියාකරුවෙකු වන සයිනොපෙක් ඔයිල් සමාගමේ මෙරට නියෝජිත සමාගම වන සයිනොපෙක් ලංකා සමාගම (SFOL) සමඟ හවුල් වී වරාය සතු එම්.වී කුමන (m.v Kumana) ඉන්ධන යාත්‍රාව හරහා ඉන්ධන තොග වශයෙන් සැපයීම පසුගියදා ආරම්භ කරන ලදි.

IMO 2020 හෙවත් අවම සල්ෆර් සංයුතියකින් යුත් ඛනිජ තෙල් (VLSFO), මිළඳි ගත් ප්‍රථම ගැනුම්කරු බවට පත් වෙමින් වෙළෙඳ නෞකා සඳහා ඉන්ධන සැපයීමේ වෙළෙඳපොල ප්‍රමුඛ‍යා වන ලංකා මැරීන් සර්විසස් සමාගම (LMS), හම්බන්තොට වරායේද සහය ඇතිව, තම සේවාදායකයා වූ, ඉන්දියාවේ චෙන්නායි සිට සූවස් දක්වා යාත්‍රා කරමින් තිබූ එම්.වී සූවස් හාන්ස් (m.v. Suez Hans) නැමැති ඉන්ධන ප්‍රවාහන නෞකාව වෙත ඉන්ධන සපයනු ලැබීය .

මෙහෙයුම පිළිබඳ අදහස් දක්වමින්, හම්බන්තොට ජාත්‍යන්තර වරාය සමූහයේ ප්‍රධාන මෙහෙයුම් නිලධාරි, තිස්ස වික්‍රමසිංහ මහතා පැවසූවේ මෙය ශ්‍රී ලංකාවේ වරායන්ට සහ කාර්යබහුල නැගෙනහිර-බටහිර නැව් මාර්ගයේ ගමන් කරන යාත්‍රා සඳහා ඉන්ධන සපයන මෙරට සියලුම බලපත්‍රලාභී ඉන්ධන සැපයුම්කරුවන්ට අගනා අවස්ථාවක් බවයි. ‘එක්සත් අරාබි එමිර් රාජ්‍යය, සිංගප්පූරුව සහ ඩුබායි වැනි රටවලින් නාවික ඉන්ධන තෙල් ආනයනය කිරීම හා වරායෙන් පිටත වරායන් වෙත සැපයීම සඳහා පමණක් සීමා කොට තිබූ නැව් වලට ඉන්ධන සැපයීමේ කර්මාන්තය, මෙම මෙහෙයුම් හරහා ප්‍රථම වතාවට සයිනෝපෙක් ඔයිල් සමාගමට IMO 2020 හෙවත් අවම සල්ෆර් සංයුතියකින් යුත් ඛනිජ තෙල් අපනයනය කිරීමට අවස්ථාව උදා විය නැව් වලට ඉන්ධන සැපයීමේ කර්මාන්තය වෙත නව මානයන් ගෙන එමින්,කලාපීය වෙළෙදපොළ තුල ශ්‍රී ලංකාවේ ව්‍යාපාරය ප්‍රවර්ධනය කිරීම මෙහි අරමුණ බව වික්‍රමසිංහ මහතා වැඩිදුරටත් සඳහන් කළේය.

‘සියලු දේශීය ව්‍යාපාරිකයන් සඳහා සාධාරණ මිලකට අවම සල්ෆර් සංයුතියකින් යුත් ඛනිජ තෙල් සැපයීම හරහා, ව්‍යාපාරිකයන් සිය ගෝලීය සේවාදායකයින් ශ්‍රී ලංකාවට ගෙන එනු ඇත. අප 2020 අප්‍රේල් මාසයේදී අඩු සල්ෆර් සංයුතියකින් යුත් ඛනිජ තෙල් ටොන් 25,000 ක් හම්බන්තොට වරාය වෙත ආනයනය කළ නමුත් කෝවිඩ් වසංගතය හේතුවෙන් වරායට ඉන්ධන මෙහෙයුම් ආරම්භ කිරීමට නොහැකි විය. නමුත් මෙහෙයුම් දැන් නැවත සක්‍රීය කර ඇති හෙයින්, අන්‍යෝන්‍ය වශයෙන් වාසිදායක හවුල්කාරිත්වයක් සැපයීමට අපි සූදානම් ”යැයි තොග වෙළඳාම, අපනයනය සහ හම්බන්තොට වරාය හරහා ඉන්ධන මෙහෙයුම් සිදු කිරිම සඳහා ආයෝජන මණ්ඩලයේ අනුමැතිය ලබා ඇති සයිනොපෙක් ලංකා සමාගමේ සාමාන්‍යාධිකාරි ටාවෝ ලියු පවසයි.

ලොව විශාලතම ඉන්ධන සැපයුම් සේවා සපයන්නෙකු සමඟ හම්බන්තොට ජාත්‍යන්තර වරාය ඇති කරගත් හවුල්කාරිත්වය තුළින් වරාය තම ගනුදෙනුකරුවන්ට සාධාරණ පිරිවැයකට, උසස් තත්ත්වයේ නිෂ්පාදන සහ ආරක්ෂිත සේවාවන් සපයනවා පමණක් නොව, දකුණු ආසියාවේ ඉන්ධන සැපයුම් මධ්‍යස්ථානයක් ලෙස හම්බන්තොට වරාය ස්ථාපිත කිරීමේ ඉලක්කය කරාද ගෙන යනු ඇත.

Related news

වින්දිතයන්, කනස්සල්ලෙන් – උසාවිය නිහඩයි

newsediror

කොවිඩ් අනතුරු ඇඟවීමක්: ICU ඇතුළත් වීම් ඉහළට

administrator

පළාත් සභා ජන්දය ගැන ඉන්දියාව යළි මතක් කරයි: බැසිල්ට දිනුමකුත්!

administrator

රාහුල් ගාන්ධිටත් කොවිඩ්

administrator

ෆේස්බුක් පලකිරීම් පාලනයට නීති එයි: සහල් මිල පාලනය කල් යයි

administrator

සහල් මිල පාලනය කරන්න බැරි ජනාධිපති නිසා බව බන්දුල කියයි

administrator