මාරාන්තික ප්රහාර එල්ල කරන පලස්තීනුවන්ට එරෙහිව යුද අධිකරණය හමුවේ මරණ දණ්ඩනය පැනවීමේ ආන්දෝලනාත්මක පනතක් ඊයේ (30) ඊශ්රායල පාර්ලිමේන්තුවේදී වැඩි ඡන්දයෙන් සම්මත විය.
මෙම නව නීතිය මගින් ඊශ්රායල අගමැති බෙන්ජමින් නෙතන්යාහු, සිය රජයේ සිටින අන්ත දක්ෂිණාංශික පක්ෂ වෙත ලබා දී තිබූ ප්රධාන මැතිවරණ පොරොන්දුවක් ඉටු කර ඇති බව විදෙස් මාධ්ය වාර්තා කරයි.
ඊශ්රායල පාර්ලිමේන්තුවේ (Knesset) මන්ත්රීවරුන් 120 දෙනෙකු අතරින්,
පක්ෂව – ඡන්ද 71ක් (අගමැති ඇතුළු පිරිස)
විරුද්ධව – ඡන්ද 48ක්
ඡන්දය දීමෙන් වැළකී සිටි – 01ක්
දින 30ක් ඇතුළත බලාත්මක වීමට නියමිත මෙම නව නීතිය සම්බන්ධයෙන් මේ වන විට ජාත්යන්තර වශයෙන් දැඩි කතාබහක් නිර්මාණය වී තිබේ.
ඊට ප්රධානතම හේතු වී ඇත්තේ:
මාරාන්තික ප්රහාර එල්ල කරන පලස්තීන ජාතිකයින්ට පමණක් මෙම දඬුවම අදාළ වීම.
පලස්තීන ජාතිකයන් ඝාතනය කිරීම සම්බන්ධයෙන් වරදකරුවන් වන ඊශ්රායල ජාතිකයින්ට මෙම මරණ දණ්ඩනය ක්රියාත්මක නොවන බව වාර්තා වීම.
මෙම තීරණයත් සමඟ කලාපීය වශයෙන් පවතින උණුසුම්කාරී තත්ත්වය තවදුරටත් වර්ධනය විය හැකි බව දේශපාලන විචාරකයෝ පවසති.