අධ්යාපන අමාත්යාංශය විසින් පාසල්වල උත්සව හා විවිධ වැඩසටහන් සංවිධානය කිරීමේදී අධික වියදම් කිරීමෙන් වළකින්නැයි දැඩි ලෙස අවවාදයක් නිකුත් කර ඇත.
පසුගිය කාලය තුළ පාසල් කිහිපයක උත්සව, විනෝදාත්මක වැඩසටහන් සහ විවිධ සැමරුම් උත්සව සඳහා අධික මුදල් වැය කිරීම හේතුවෙන් දෙමාපියන්ට අමතර ආර්ථික බරක් පැටවෙමින් ඇති බවට ලැබී ඇති පැමිණිලි සැලකිල්ලට ගනිමින් මෙම තීරණය ගෙන ඇත.
අමාත්යාංශය නිකුත් කළ නිවේදනය අනුව, පාසල්වල සියලුම වැඩසටහන් අඩු වියදමින්, ප්රයෝජනවත් හා ගුණාත්මකව සංවිධානය කළ යුතු අතර, අනිවාර්ය නොවන අධික වියදම්වලින් වළකින්නැයි උපදෙස් දී ඇත.
විශේෂයෙන්, සිසුන්ගේ අධ්යාපනික හා සංස්කෘතික වටිනාකම් රැකගෙන යමින්, සරල හා වියදම් අඩු ක්රමවේද භාවිතා කිරීම අවශ්ය බව ද අවධාරණය කර ඇත.
තවද, පාසල් පරිපාලන වගකීම් දරන පාර්ශවයන් චක්රලේඛ අංක 54/2023 ඇතුළු පවතින මූල්ය නීති රීති සහ මාර්ගෝපදේශ සම්පූර්ණයෙන්ම අනුගමනය කළ යුතු බව ද දැනුම් දී ඇත.
එමඟින් මුදල් භාවිතයේ පාරදර්ශීභාවය සහ වගකීම තහවුරු කිරීම අරමුණ වේ.
අදාළ නිවේදනය මඟින් පාසල්වල උත්සව සංවිධානය කිරීමේදී දෙමාපියන්ට අනවශ්ය වශයෙන් මුදල් එකතු කිරීම, අධික ගාස්තු අයකිරීම හෝ අනිවාර්ය දායකත්ව ඉල්ලීම වැනි ක්රියාවන් වැළැක්විය යුතු බවට ද විශේෂ අවධානය යොමු කර ඇත.
මෙම පියවර හරහා පාසල් පද්ධතිය තුළ සාධාරණතාවය, සමාන අවස්ථා සහ ආර්ථික සුරක්ෂිතභාවය වර්ධනය කිරීම අරමුණ වන අතර, අධ්යාපනික පරිසරයක් තුළ සියලුම සිසුන්ට සමාන ලෙස සහභාගී වීමට අවස්ථාව සැලසීම ද මෙහි මූලික අරමුණක් ලෙස පෙන්වා දී ඇත.
අදාළ උපදෙස් පිළිපදින්නේද යන්න සම්බන්ධයෙන් අදාළ බලධාරීන් විසින් අඛණ්ඩව නිරීක්ෂණය කිරීමට නියමිත අතර, නීතිවිරෝධී ක්රියාමාර්ග හඳුනාගැනේ නම් අවශ්ය පියවර ගනු ඇතැයි ද සඳහන් වේ.
