රාජගිරිය ප්රදේශයේදී අත්අඩංගුවට ගත් චීන ජාතිකයින් පිරිසකගේ විදේශ ගමන් බලපත්ර නැවත ලබාදීම සඳහා රුපියල් ලක්ෂ 3 බැගින් අල්ලස් මුදලක් ඉල්ලා සිටි බවට චෝදනා ලැබූ වැලිකඩ පොලීසියේ ස්ථානාධිපතිවරයා රක්ෂිත බන්ධනාගාර ගත කර තිබේ.
කොළඹ මධ්යම අපරාධ විමර්ශන අංශය විසින් සිදුකළ විමර්ශනයකින් අනතුරුව සැකකරු අත්අඩංගුවට ගෙන අධිකරණයට ඉදිරිපත් කරන ලදී.
දෙපාර්ශ්වයේ නීතිඥවරුන් ඉදිරිපත් කළ කරුණු සලකා බැලූ කොළඹ ප්රධාන මහෙස්ත්රාත් අසංග එස්. බෝදරගම මහතා, සැකකරු ලබන 09 වැනිදා දක්වා රක්ෂිත බන්ධනාගාර ගත කිරීමට නියෝග කළේය.
