ඊශ්රායල් රැකියා ප්රශ්නය — රු. ලක්ෂ 4ට තිබුණු අවස්ථාව රු. ලක්ෂ 45ක් වුණේ කොහොමද?
විදේශ රැකියාවක් කියන්නේ අද ශ්රී ලංකාවේ තරුණයන් දහස් ගණනකගේ බලාපොරොත්තුවක්.
පවුලේ ආර්ථිකය ගොඩගන්න, ණය ගෙවන්න, දරුවන්ගේ අනාගතය හදන්න ඔවුන් විදේශ රැකියා පසුපස යනවා.
ඒ නිසා රජයේ වගකීම විය යුත්තේ එම අවස්ථා හැකි තරම් සාධාරණ, විනිවිද පෙනෙන සහ අඩු වියදමකින් ලබාදීමයි.
නමුත් ඊශ්රායල් රැකියා සම්බන්ධයෙන් අද මතුව ඇති ප්රශ්නය ඒ වගකීම ගැන බරපතළ ප්රශ්න මතු කරනවා.
2023දී ශ්රී ලංකාව සහ ඊශ්රායලය අතර රැකියා 14,000ක් ලබාදීම සම්බන්ධයෙන් එකඟතාවක් ඇතිව තිබුණා.
එහෙත් අද ඉදිරිපත් වන චෝදනාව වන්නේ මුලින් පැවති 70% රජය හරහා සහ 30% පෞද්ගලික අංශය හරහා යන ක්රමය වෙනස් වී, 2025 සහ 2026 වනවිට එය 30% රජය සහ 70% පෞද්ගලික අංශය ලෙස වෙනස් වී ඇති බවයි.
ඇත්තටම එහෙම වෙනසක් සිදුවුණා නම්,
ඇයි?
කවුද මේ තීරණය ගත්තේ?
මොන පදනමක් මතද?
ශ්රමිකයාට ලැබුණු ප්රතිලාභය මොකක්ද?
මේ ප්රශ්නවලට රජය පැහැදිලි පිළිතුරක් දිය යුතුයි.
මොකද මෙතන තියෙන වඩාත්ම බරපතළ කරුණ ගාස්තුවේ වෙනසයි.
රජයේ මාර්ගයෙන් යන ශ්රමිකයෙකුට රු. 400,000ක් පමණ වැය වන අතර, පෞද්ගලික විදේශ රැකියා ආයතන හරහා යන අයගෙන් රු. මිලියන 4.5ක් පමණ අය කරන බවට චෝදනා එල්ල වී තිබෙනවා.
එකම රටේ.
එකම විදේශ රැකියාවකට.
එකම ශ්රී ලාංකික තරුණයාට.
රු. ලක්ෂ 4ක් සහ රු. ලක්ෂ 45ක් අතර මෙතරම් විශාල පරතරයක් ඇතිවෙන්නේ ඇයි?
මේක පැහැදිලි කළ යුතු ප්රශ්නයක්.
රු. මිලියන 4.5ක් කියන්නේ සාමාන්ය තරුණයෙකුට ගෙවිය හැකි මුදලක් නෙවෙයි.
ඒ මුදල හොයාගන්න ඔහුට ණය ගන්න වෙයි.
දේපළ උකස් කරන්න වෙයි.
පවුලේ ඉතුරුම් අවසන් කරන්න වෙයි.
එහෙම වෙලා විදේශ රැකියාවකට ගිය පසු, ඔහු උපයන මුදලින් පළමුව ගෙවන්න වෙන්නේ තමන් රැකියාව ලබාගන්න ගත්ත ණය නම්,
මේක ඇත්තටම විදේශ රැකියා අවස්ථාවක්ද?
නැත්නම් විදේශ රැකියාවක් ලබාගැනීමත් ව්යාපාරයක් බවට පත් කරලාද?
තවත් ප්රශ්නයක්.
දැනට ඊශ්රායලයට යාමට සුදුසුකම් ලබා ඇති 3,500කට ආසන්න පිරිසක් බලා සිටින බව කියනවා.
ඔවුන්ගේ බලාපොරොත්තු තවමත් කල් යන්නේ ඇයි?
රජයේ නිල මාර්ගය හරහා වැඩි පිරිසක් යවන්න බැරි ඇයි?
පෞද්ගලික අංශයට වැඩි quota එකක් ලබාදීමෙන් ලැබෙන වාසිය ශ්රමිකයාටද, නැත්නම් අතරමැදියාටද?
ඒ ප්රශ්නයට පිළිතුර රජය ජනතාව ඉදිරියේ තැබිය යුතුයි.
විපක්ෂ නායකවරයා මේ සම්බන්ධයෙන් ප්රශ්න මතු කරමින් පාර්ලිමේන්තුවේදී කාරණය ඉදිරිපත් කරන බව පවසා තිබෙනවා.
මේක ශ්රී ලංකාවේ තරුණයාගේ ප්රශ්නයක්.
අපි විදේශ රැකියා නවත්වන්න කියන්නේ නැහැ.
අපි කියන්නේ,
රැකියාවක් ලබාගැනීමට හැකියාව තිබෙන තරුණයෙකුට රු. ලක්ෂ 45ක් නැති නිසා ඔහුගේ අවස්ථාව අහිමි නොවිය යුතුයි.
රජය ඊශ්රායලය සමඟ සාකච්ඡා කරලා නිල රැකියා අවස්ථා වැඩි කළ යුතුයි.
පෞද්ගලික recruitment agencies සම්බන්ධයෙන් දැඩි නියාමනයක් තිබිය යුතුයි.
ගාස්තු විනිවිදභාවයෙන් යුතු විය යුතුයි.
සුදුසුකම් ඇති සියලුම ශ්රමිකයන්ට සාධාරණ අවස්ථාවක් ලැබිය යුතුයි.
අවසානයේ අපි රජයෙන් අහන්නේ එක සරල ප්රශ්නයක්.
ශ්රී ලාංකික තරුණයෙකුට රු. ලක්ෂ 4කට ඊශ්රායලයට යන්න පුළුවන් නම්, ඒ අවස්ථාව රු. ලක්ෂ 45ක් ගෙවිය හැකි අයට පමණක් සීමා වෙන්නේ ඇයි?
රටට විදේශ විනිමය ඕන.
තරුණයන්ට රැකියා ඕන.
නමුත් ඒ වෙනුවෙන් තරුණයා අතරමැදියන්ගේ ගාස්තුවලට යටත් විය යුතු නැහැ.
🇱🇰 රැකියාව තරුණයාගේ අවස්ථාවක්.
ඒ අවස්ථාව ව්යාපාරික අතරමැදියන්ගේ අයිතියක් නොවිය යුතුයි.
✍️ 💚ශ්යාමා නිල්මිණි…
