කොළඹ: 15 හැවිරිදි බාලවයස්කාර දැරියකට බරපතළ ලිංගික හිංසනයක් කළ බවට එල්ල වූ චෝදනා මත අටමස්ථානාධිපති පල්ලේගම හේමරතන හිමියන් ලබන 22 වනදා දක්වා රක්ෂිත බන්ධනාගාරගත කිරීමට අධිකරණය නියෝග කර තිබේ.
කොළඹ නවලෝක රෝහලේ ප්රතිකාර ලබමින් සිටි උන්වහන්සේව කොටුව මහේස්ත්රාත්වරයා විසින් එම රෝහලේදී පරීක්ෂාවට ලක් කිරීමෙන් අනතුරුව මෙම නියෝගය ලබා දුන්නේය. එහිදී මහේස්ත්රාත්වරයා වැඩිදුරටත් නියෝග කළේ සැකකාර හිමිනම පෞද්ගලික රෝහලේ සිට වහාම කොළඹ ජාතික රෝහල වෙත මාරු කරන ලෙසයි.
මේ අතර, මෙම නඩුව පසුගිය 12 වැනිදා අනුරාධපුර ප්රධාන මහේස්ත්රාත් අධිකරණය හමුවේ ද කැඳවන ලදී. එහිදී අනුරාධපුර ප්රධාන මහේස්ත්රාත් සියපත් සසිඳු වික්රමරත්න මහතා පෙන්වා දුන්නේ සැකකරු දැනටමත් කොළඹ මහේස්ත්රාත් අධිකරණ නියෝග මත රක්ෂිත බන්ධනාගාරගතව සිටින බැවින්, යළිත් එවැනිම නියෝගයක් නිකුත් කිරීමේ අවශ්යතාවක් නොමැති බවයි.
ඒ අනුව, නියමිත දිනට සැකකරු අනුරාධපුර අධිකරණය වෙත ඉදිරිපත් කරන ලෙස බන්ධනාගාර බලධාරීන්ට උපදෙස් ලැබිණි.
