රඹකැන්ඔය සහ පොල්ලබැද්ද ප්රදේශවල ආදිවාසී ජනතාවගේ පාරම්පරික ඉඩම් අයිතිය සම්බන්ධයෙන් පවතින ගැටලුවට විසඳුමක් ලෙස, එම ඉඩම් යළි ඔවුන් වෙත ලබා දීමට කටයුතු කරන බව මහවැලි අධිකාරිය අභියාචනාධිකරණය හමුවේ අද දින ප්රකාශ කර තිබේ.
වැදි නායක ඌරුවරිගේ වන්නියලැ ඇත්තෝ සහ පාරිසරික පදනම විසින් 2021 වසරේදී මෙම ඉඩම් පෞද්ගලික සමාගම්වලට පැවරීමට එරෙහිව පෙත්සමක් ගොනු කර තිබුණි.
පෙත්සම්කාර පාර්ශ්වය වෙනුවෙන් පෙනී සිටි නීතිඥ ආචාර්ය රවින්ද්රනාත් දාබරේ මහතා අධිකරණයෙන් ඉල්ලා සිටියේ, අදාළ ප්රදේශවල සිදු වූ වනාන්තර විනාශයන් වෙනුවෙන් වගකිවයුත්තන්ට නීතිය ක්රියාත්මක කරන ලෙස සහ විනාශ වූ වනාන්තර යළි වගා කරවන ලෙසයි.
මෙම නඩුව සැප්තැම්බර් 25 වැනිදා යළි කැඳවීමට නියමිතය.
