නිල සංචාරයක් සඳහා රුසියාවේ රැඳී සිටින ශ්රී ලංකා ආරක්ෂක ලේකම්, විශ්රාමික එයාර් වයිස් මාර්ෂල් සම්පත් තුයියකොන්ත මහතා සහ රුසියානු නියෝජ්ය ආරක්ෂක අමාත්ය වාසිලි ඔස්මාකෝව් (Vasily Osmakov) මහතා අතර විශේෂ හමුවක් මොස්කව් නුවරදී සිදුවිය.
මෙම හමුව සිදුවූයේ මොස්කව් නුවරදී මැයි 26 දා සිට 29 දක්වා පැවැත්වෙන පළමු ජාත්යන්තර ආරක්ෂක සංසදය සහ ආරක්ෂක ගැටළු පිළිබඳ ජ්යෙෂ්ඨ නියෝජිතයින්ගේ වාර්ෂික සමුළුවට සමගාමීවය.
ආරක්ෂක සහයෝගීතාව
දෙරට අතර පවතින ආරක්ෂක අභියෝග, තාක්ෂණික සහයෝගීතාව, පුහුණු අවස්ථා සහ ධාරිතා සංවර්ධන වැඩසටහන් පිළිබඳව පුළුල් ලෙස අදහස් හුවමාරු කර ගන්නා ලදී.
විශේෂ සාකච්ඡාව
දැනට රුසියානු සමූහාණ්ඩුවේ සේවය කරන හිටපු ශ්රී ලාංකික හමුදා සාමාජිකයින්ට අදාළ කරුණු පිළිබඳව දෙපාර්ශ්වය විසින් ඉතා දීර්ඝ ලෙස සාකච්ඡා කරනු ලැබීය.
මෙම අවස්ථාව සඳහා රුසියාවේ ශ්රී ලංකා තානාපතිනි ශෝබිනී ගුණසේකර, ශ්රී ලංකා තානාපති කාර්යාලයේ චාන්සරි අංශයේ ප්රධානී මිහිරාවි දිසානායක සහ ආරක්ෂක උපදේශක එයාර් කොමදෝරු දිනේෂ් කසාගල යන මහත්ම මහත්මීහු සහභාගී වූහ.
