ඇමෙරිකාව සහ ඊශ්රායලය විසින් ඉරානයට එරෙහිව ආරම්භ කළ යුද්ධය කාලයේදී ඉරාකය ගත් ක්රියා මගින් ඉරාන නව උත්තරීතර නායක මොජ්තබා කමේනි, ඉරාක පූජක පක්ෂයට සහ ජනතාවට තම ස්තූතිය පළ කර තිබේ.
ඉරාක උත්තරීතර ඉස්ලාමීය සභාවේ කථානායකවරයා සහ ඉරාකයේ ඉරාන තානාපතිවරයා අතර පැවති සාකච්ඡාවකින් පසු, කමේනි විසින් යොමු කළ බවට පවසන ලිපියක් ඉරාක නිලධාරියෙකු වෙත ලබාදී ඇති බව ඉරාන මාධ්ය වාර්තා කරයි.
මොජ්තබා කමේනි මාර්තු මස මුලදී නව උත්තරීතර නායක ලෙස පත්වීමෙන් පසු ඔහු යොමු කළ ලිඛිත පණිවිඩ කිහිපයක් මේ වනවිට ප්රසිද්ධියට පත්ව තිබේ.
කෙසේ වෙතත්, ඔහු පත්වූ සිට තවමත් ප්රසිද්ධියේ හෝ රාජ්ය රූපවාහිනියේ දක්නට නොලැබුණි.
ඒ අනුව, ඇමෙරිකානු ජනාධිපති ඩොනල්ඩ් ට්රම්ප් පවසන්නේ කමේනි මිය ගොස් ඇති බව හෝ අසාධ්ය තත්ත්වයක පසුවන බවයි.
නමුත් ජිනීවාහි එක්සත් ජාතීන්ගේ සංවිධානයේ ඉරාන තානාපතිවරයා අවධාරණය කරන්නේ, කමේනි මහජනයා ඉදිරියට නොපැමිණීම ආරක්ෂක හේතුවක් නිසා බවයි.
ඉරානයේ හිටපු උත්තරීතර නායක අයදුල්ලාහ් අලි කමේනි පෙබරවාරි 28 වන දින ප්රහාරයේ පළමු දිනයේම මිය ගිය නමුත්, ඔහුගේ දේහය තවමත් භූමදාන කර නොමැති බව වාර්තා වේ.