2026 වසරේ රාජ්ය වෙසක් උත්සවය මාතර, තිහගොඩ පිහිටි ඓතිහාසික මිදෙල්ලවල රජමහා විහාරස්ථානය කේන්ද්ර කරගනිමින් පැවැත්වීමට රජය තීරණය කර තිබේ.
කැබිනට් ප්රකාශක අමාත්ය වෛද්ය නලින්ද ජයතිස්ස මහතා අද (31) පැවති කැබිනට් තීරණ දැනුම් දීමේ මාධ්ය හමුවේදී මේ බව අනාවරණය කළේය.
මෙවර වෙසක් උත්සවයට සමගාමීව විශේෂ “වෙසක් සතියක්” ප්රකාශයට පත් කර ඇති අතර,
ඒ අනුව වෙසක් සතිය මැයි මස 27 වනදා සිට ජූනි මස 02 වනදා දක්වාවේ.
රාජ්ය තේමාව : ”අභිත්ථරේථ කල්යාණේ” (පොදු යහපත පිණිස වහ වහ පෙළ ගැසෙමු).
බුද්ධශාසන, ආගමික හා සංස්කෘතික කටයුතු අමාත්යාංශය සහ ශ්රී ලංකා රාමඤ්ඤ මහා නිකායේ අනුශාසනා පරිදි මෙම පුණ්ය මහෝත්සවය සංවිධානය කිරීමට නියමිතය.
ඓතිහාසික මිදෙල්ලවල රජමහා විහාරය කේන්ද්ර කරගනිමින් දකුණු පළාත පුරා ආගමික හා සමාජීය වැඩසටහන් මාලාවක් ක්රියාත්මක කිරීමට කැබිනට් මණ්ඩලයේ අනුමැතිය හිමිව තිබේ.
පොදු යහපත උදෙසා ජනතාව ඒකරාශී කිරීමේ අරමුණින් මෙවර තේමාව තෝරාගෙන ඇති බව අමාත්යවරයා වැඩිදුරටත් සඳහන් කළේය.