ගල් අඟුරු සම්බන්ධයෙන් විගණකාධිපතිවරයාගේ විමර්ශන වාර්තාවකට අනුව, නීතිපතිවරයාගේ අනුමැතිය ලබා නොගෙන Trident Chemphar Limited සමාගම සමඟ ගල්අඟුරු මිලදී ගැනීමේ ගිවිසුමකට එළඹ ඇති බව අනාවරණය වේ.
පාර්ලිමේන්තුවට ඉදිරිපත් කරන ලද එම වාර්තාවේ සඳහන් වන්නේ, නීතිපතිවරයාගේ අනුමැතිය 2025 නොවැම්බර් 20 දින ලැබීමට නියමිතව තිබියදී, ඊට පෙර එනම් 2025 නොවැම්බර් 19 දින අදාළ සමාගම සමඟ ගිවිසුම් අත්සන් කර ඇති බවයි.
එසේම, රජය සමඟ මෙම ගිවිසුමට එළඹෙන අවස්ථාවේදී Trident Chemphar සමාගම ලියාපදිංචි වී නොතිබූ බව ද එම වාර්තාව මඟින් හෙළි කර ඇත.
මූල්ය අලාභය සහ ගුණාත්මකභාවය බාල ගුණාත්මක භාවයෙන් යුත් ගල්අඟුරු ආනයනය කිරීම හේතුවෙන් සිදුව ඇති මුළු පාඩුව රුපියල් මිලියන 2,237.70ක් (රුපියල් බිලියන 2.2ක්) ලෙස ඇස්තමේන්තු කර ඇත.
නැව් වාර 9ක් ඔස්සේ සිදුව ඇති මෙම පාඩුවල විස්තර මෙසේය.
පළමු නැව් වාරය: රුපියල් මිලියන 163.5
දෙවන නැව් වාරය: රුපියල් මිලියන 94.6
තෙවන නැව් වාරය: රුපියල් මිලියන 310.7
හතරවන නැව් වාරය: රුපියල් මිලියන 155.9
පස්වන නැව් වාරය: රුපියල් මිලියන 179.1
හයවන නැව් වාරය: රුපියල් මිලියන 299
හත්වන නැව් වාරය: රුපියල් මිලියන 245.7
අටවන නැව් වාරය: රුපියල් මිලියන 392.5
නවවන නැව් වාරය: රුපියල් මිලියන 396.6
මෙම රුපියල් බිලියන 2.2ක මුදල අදාළ සැපයුම්කරුගෙන් වන්දි ලෙස අය කරගත හැකි බව විගණකාධිපතිවරයා පෙන්වා දෙයි.
විගණකාධිපතිවරයා විසින් පහත සඳහන් නිර්දේශ ඉදිරිපත් කර ඇත.
ගල්අඟුරු සැපයුම්කරුවන්ගේ හැකියාවන් තක්සේරු කිරීමට විධිමත් ක්රියාපටිපාටියක් සහ ලියාපදිංචි කිරීමේ නිර්ණායක සකස් කිරීම.
ගල්අඟුරු වල ගුණාත්මකභාවය පරීක්ෂා කිරීම සඳහා ස්වාධීන පද්ධතියක් හඳුන්වා දීම.
නොරොච්චෝලේ බලාගාරයේ පාලන ඒකකය මඟින් මෙවැනි පද්ධතියක් ක්රියාත්මක කළ යුතු බවට නිර්දේශ කර ඇත.
