විදෙස්ගත ශ්රී ලාංකිකයන් පිරිසක් විසින් මෙරටට පරිත්යාග කිරීමට සූදානම් වූ ඇමරිකානු ඩොලර් මිලියන 23ක දැවැන්ත මුදල් ආධාරය, ජාත්යන්තර මූල්ය අරමුදලේ (IMF) කොන්දේසි හේතුවෙන් රටට අහිමි වූ බව ගායන ශිල්පී සංගීත් විජේසූරිය මහතා අනාවරණය කරයි.
ප්රසිද්ධ යූටියුබ් නාලිකාවක් සමඟ පැවති සාකච්ඡාවකට එක්වෙමින් ඒ මහතා මේ බව හෙළි කළේය.
එක්සත් රාජධානියේ සහ ඕස්ට්රේලියාවේ වෙසෙන ශ්රී ලාංකිකයන් පිරිසක් මෙම ඩොලර් මිලියන 23ක මුදල රට වෙනුවෙන් පරිත්යාග කිරීමට ඉදිරිපත් වී තිබුණි.
මෙම පිරිස සමඟ තමන් ජනාධිපති අනුර කුමාර දිසානායක මහතා හමුවී කරුණු පැහැදිලි කළ අතර, ජනාධිපතිවරයා ඒ සම්බන්ධයෙන් වැඩිදුර සාකච්ඡා කිරීම සඳහා තමන්ව නියෝජ්ය මුදල් අමාත්ය මහාචාර්ය අනිල් ජයන්ත මහතා වෙත යොමු කළ බව විජේසූරිය මහතා පවසයි.
එහිදී නියෝජ්ය අමාත්යවරයා පෙන්වා දී ඇත්තේ, ජාත්යන්තර මූල්ය අරමුදලේ කොන්දේසි මත මෙවැනි විදේශීය මුදල් ප්රදානයන් ලෙස භාරගැනීමේ හැකියාවක් නොමැති බවයි.
තවද, පසුගිය ජනාධිපතිවරණ සමයේදී ද විදෙස්ගත ශ්රී ලාංකිකයෙකු විසින් අනුර කුමාර දිසානායක මහතාගේ මැතිවරණ මෙහෙයුම් සඳහා ඩොලර් මිලියනයක් පරිත්යාග කිරීමට ඉදිරිපත් වූ අවස්ථාවේදී ද, ජනාධිපතිවරයා එම මුදල කාරුණිකව ප්රතික්ෂේප කළ බව සංගීත් විජේසූරිය මහතා වැඩිදුරටත් සඳහන් කළේය.
