ශ්රී ලංකා මහ බැංකුව විසින් අද (03) ප්රකාශයට පත් කරන ලද දෛනික විනිමය අනුපාතික දත්ත වාර්තාවලට අනුව, ඇමෙරිකානු ඩොලරයට සාපේක්ෂව ශ්රී ලංකා රුපියලේ අගය තවදුරටත් අවප්රමාණය වී ඇති අතර, ඒ අනුව ඩොලරයක ගැනුම් මිල රුපියල් 328.00ක් සහ විකුණුම් මිල රුපියල් 337.97ක් ලෙස සටහන්ව තිබේ.
ඊයේ (02) දිනයේ ඩොලරයේ විකුණුම් මිල රුපියල් 336.60ක් ලෙස සටහන් වූ බැවින්, ගතවූ පැය 24 තුළ ඩොලරයේ විකුණුම් අගය රුපියලකට වඩා වැඩි ප්රමාණයකින් ඉහළ ගොස් ඇති අතර, මෙම තත්ත්වයත් සමඟ ප්රධාන විදේශීය ව්යවහාර මුදල් හමුවේ රුපියලේ අගය යම් පසුබෑමකට ලක්ව ඇත.
මේ අතර, අන්තර්ජාතික මූල්ය අරමුදල (IMF) විසින් ශ්රී ලංකාව වෙත අනුමත කරන ලද 06 වැනි සහ 07 වැනි ණය වාරිකවලට අදාළ ඇමෙරිකානු ඩොලර් මිලියන 695ක මූල්ය ප්රතිපාදනය මෙරට නිල විදේශ සංචිත වෙත මේ වන විට බැර කර ඇති බව මුදල් නියෝජ්ය අමාත්ය අනිල් ජයන්ත මහතා තහවුරු කරයි.
පසුගිය 27 වනදා රැස්වූ අන්තර්ජාතික මූල්ය අරමුදලේ විධායක මණ්ඩලය විසින් ශ්රී ලංකාවට අදාළ විස්තීර්ණ අරමුදල් පහසුකම් (EFF) වැඩසටහනේ පස්වැනි සහ හයවැනි සමාලෝචන කටයුතු සාර්ථකව නිම කරමින් ඊට අදාළ අනුමැතිය ලබාදීමත් සමඟ මෙම මුදල හිමිව ඇති අතර, ශ්රී ලංකාවේ ආර්ථික ස්ථාවරත්වය උදෙසා එම අරමුදල විසින් 2023 වසරේ මාර්තු මාසයේදී අනුමත කරන ලද ඇමෙරිකානු ඩොලර් බිලියන 3ක සමස්ත ණය ආධාර පැකේජය යටතේම මෙම නවතම මුදල් මුදාහැරීම සිදුකර තිබේ.
