රටේ ප්රදේශ කිහිපයකට අධික වැසි සඳහා රතු අනතුරු ඇඟවීමක් කාලගුණ විද්යා දෙපාර්තමේන්තුව විසින් නිකුත් කර ඇත.
ඒ අනුව, ශ්රී ලංකාව ආසන්නයේ පවතින අඩු පීඩන තත්ත්වය හේතුවෙන් පවතින වැසි තත්ත්වය තවදුරටත් දිගටම පැවතිය හැකි බව සඳහන් වේ.
කාලගුණ විද්යා දෙපාර්තමේන්තුව පවසන්නේ බටහිර, සබරගමුව, මධ්යම සහ වයඹ පළාත් වලටත්, ගාල්ල සහ මාතර දිස්ත්රික්කවලටත් ඇතැම් ස්ථානවල මිලිමීටර් 150ට වැඩි ඉතා අධික වැසි ඇති විය හැකි බවයි.
අනෙකුත් ප්රදේශවල ඇතැම් ස්ථානවල මිලිමීටර් 100 පමණ වැසි ඇති විය හැකි බවද ඔවුන් සඳහන් කරයි.
ඒ අනුව, අධික වැසි, තද සුළං සහ අකුණු සමඟ ඇතිවන ගිගුරුම් වැසි හේතුවෙන් සිදුවිය හැකි හානි අවම කර ගැනීමට අවශ්ය පූර්ව ආරක්ෂක ක්රියාමාර්ග ගන්නා ලෙස මහජනතාවගෙන් ඉල්ලා සිටී.
