බුද්ධශාසන, ආගමික හා සංස්කෘතික කටයුතු අමාත්ය හිනිදුම සුනිල් සෙනෙවි මහතා අද (21) පාර්ලිමේන්තුවේදී වාචික ප්රශ්නවලට පිළිතුරු ලබා දෙමින් ප්රකාශ කළේ, ජාතික කලා භවනේ තිබූ පෞරාණික සිතුවම් 42ක් අස්ථානගත වී ඇති බවයි. මෙම තොරතුරු අනාවරණය වී ඇත්තේ 2015 වසරේදී භාණ්ඩ සමීක්ෂණ මණ්ඩලයක් විසින් ජාතික කලා භවනේ චිත්ර හා මූර්ති සමීක්ෂණය කිරීමෙන් අනතුරුවය. අදාළ ආයතනයේ තොග පොතෙහි සඳහන්ව තිබූ මුළු සිතුවම් සංඛ්යාව 281ක් වුවද, වර්තමානයේ කලා භවනේ ඇත්තේ සිතුවම් 239ක් පමණක් බව අමාත්යවරයා වැඩිදුරටත් තහවුරු කළේය.
බුද්ධ රශ්මි වෙසක් කලාපය සංවිධානය කිරීමේ අවසාන සාකච්ඡාව අග්රාමාත්ය ලේකම් ප්රදීප් සපුතන්ත්රී මහතාගේ ප්රධානත්වයෙන් අරලියගහ මන්දිරයේදී පැවැත්විණි. එහිදී ඉන්ධන හා විදුලිය භාවිතා කිරීම සඳහා රජය මගින් පනවා තිබූ රෙගුලාසි වෙසක් උත්සවය වෙනුවෙන් ලිහිල් කරන බව ප්රකාශයට පත් කළ අතර, වෙසක් කලාපයේ කටයුතු සාර්ථකව සංවිධානය කිරීම සඳහා පත් කළ කමිටුවල නිලධාරීන්ගේ තොරතුරු ලබා ගැනීම සිදු විය.
පවතින ආර්ථික අර්බුදය හේතුවෙන් පෙර වසරවලට සාපේක්ෂව ඉන්ධන සහ විදුලිය අරපිරිමැස්මෙන් භාවිත කිරීමට මෙවර තීරණය කර ඇත. හුණුපිටිය ගංගාරාමාධිපති ආචාර්ය කිරින්දේ අස්සජි නාහිමියන් පැවසූයේ, අවම ඉන්ධන හා විදුලි පිරිවැයක් සහිතව ප්රතිපත්ති පූජාවට මුල්තැන දෙමින් ආමිස පූජාවෙන් සැදැහැවතුන්ගේ සිත් පහන් කරවන පරිදි වෙසක් අසිරියෙන් අලංකාර කිරීමට කටයුතු යොදා ඇති බවයි. මෙවර වෙසක් කලාපය රාත්රී 7 සිට මධ්යම රාත්රී 12.30 දක්වා පැවැත්වීමට තීරණය කර ඇති අතර, මෙම සාකච්ඡාව සඳහා ත්රිවිධ හමුදාව, ශ්රී ලංකා පොලිසිය, සිවිල් ආරක්ෂක සේවා දෙපාර්තමේන්තුව, බන්ධනාගාර දෙපාර්තමේන්තුව, බලශක්ති අමාත්යාංශය සහ ආරක්ෂක අමාත්යාංශය නියෝජනය කරන නිලධාරීන් සහභාගී විය.
