පාස්කු ඉරුදින ත්රස්ත ප්රහාරය සම්බන්ධයෙන් බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම සහ සාපරාධි ලෙස රාජකාරිය පැහැර හැරීම ඇතුළු චෝදනා එල්ල වී සිටින හිටපු ආරක්ෂක ලේකම් හේමසිරි ප්රනාන්දු සහ හිටපු පොලිස්පති පූජිත් ජයසුන්දර යන මහත්වරුන්ට එරෙහි නඩුව ජුනි මස 12 වනදා කැඳවීමට කොළඹ ත්රිපුද්ගල ස්ථිර මහාධිකරණ විනිසුරු මඩුල්ල නියම කර තිබේ.
අද (මැයි 27) මෙම නඩුව කැඳවනු ලැබුවේ ප්රියන්ත ලියනගේ, විරාජ් විරසූරිය සහ තිලකරත්න බණ්ඩාර යන මහත්වරුන්ගෙන් සමන්විත ත්රිපුද්ගල මහාධිකරණ විනිසුරු මඩුල්ල හමුවේය.
නඩුව කැඳවූ අවස්ථාවේදී හිටපු ආරක්ෂක ලේකම් හේමසිරි ප්රනාන්දු සහ හිටපු පොලිස්පති පූජිත් ජයසුන්දර යන මහත්වරුන් අධිකරණයේ පෙනී සිටියහ.
නඩුවට අදාළ දේශන ඉදිරිපත් කිරීම සඳහා ජුනි මස 12 වනදා දිනය නියම කරමින් ත්රිපුද්ගල විනිසුරු මඩුල්ල විසින් නියෝග නිකුත් කරන ලදී.
