ධර්මාධිකරණයක් පිහිටුවීම සඳහා රජයට කිසිදු නීතිමය බලයක් නොමැති බව එක්සත් ජාතික පක්ෂය නිවේදනයක් නිකුත් කරමින් පවසයි. ආණ්ඩුක්රම ව්යවස්ථාවට අනුව ධර්මය අර්ථ නිරූපණය කිරීමේ බලයක් විධායකයට, ව්යවස්ථාදායකයට හෝ අධිකරණයට හිමි නොවන බව එම පක්ෂය අවධාරණය කරයි.
ජනාධිපති අනුර කුමාර දිසානායක මහතා විසින් භික්ෂූන් වහන්සේලා සම්බන්ධයෙන් ගනු ලබන ඇතැම් තීරණ සහ ධර්මාධිකරණ සංකල්පය පිළිබඳව එක්සත් ජාතික පක්ෂය දැඩි විවේචනයක් එල්ල කරයි. විශේෂයෙන්ම, 1978 ආණ්ඩුක්රම ව්යවස්ථාව තුළින් සංඝ අධිකරණයක් ඇතිකිරීමට ප්රතිපාදන සලසා තිබියදී, වත්මන් රජය බෞද්ධ සම්ප්රදායන්ගෙන් බැහැරව කටයුතු කරන බව එම පක්ෂය චෝදනා කරයි. විනය විරෝධී භික්ෂූන් සම්බන්ධයෙන් ක්රියාත්මක විය යුතු නිවැරදි ක්රමවේදය වන්නේ මහා නායක හිමිවරුන් සහ මහා සංඝරත්නය සමඟ සාකච්ඡා කර තීරණ ගැනීම බවත් ඔවුන් පෙන්වා දෙයි.
තවද, විහාර – දේවාලගම් පනත සංශෝධනය කිරීමේ මුවාවෙන් වෙහෙර විහාරස්ථාන රජයේ පාලනයට නතු කර ගැනීමට රජය උත්සාහ කරන බවට එක්සත් ජාතික පක්ෂය සැක පළ කරයි. බුද්ධාගම පිළිනොගන්නා පිරිසක් අතින් මෙම කටයුතු සිදුවීම ශාසනයට තර්ජනයක් බව පවසන ඔවුන්, ජනාධිපතිවරයාගේ ප්රකාශ වසල සූත්රයේ එන ඉගැන්වීම්වලට පවා පටහැනි බව සිහිපත් කරයි.
