අද සබරගමුව වෛද්ය පීඨයේ නේවාසිකාගාරයක හා ශ්රවණාගාරයක පීත්ත පටිය කපන්නට නියමිතය.
විශ්වවිද්යාල ස්ථානයන කිරීමේ දී අවශ්යතාවයට වඩා දේශපාලනයට ප්රමුඛත්වය ලැබුනු බව මම අවබෝධ කර ගත්තේ ඌව විශ්වවිද්යාලය වෙනුවට රෝනී ද මෙල් මුදල් ඇමති ලෙස දකුණු විශ්වවිද්යාලයට මුදල් වෙන් කළ යුගයේ ඇතිවී කතා බහ නිසාය.
සබරගමුව විශ්වවිද්යාලයට සුනිල් ශාන්ත නමින් අපූරු උපකුලපතිවරයෙකු සිටියේය. ඔහු දේශපාලනික සබඳතා සහ හැකියාව හා උනන්දුව තිබූනේය. 2017 වැඩ බාරගෙන ටික කලකින් ඔහු සබරගමුවට වෛද්ය පීඨයක් ලබාගන්නට වැඩ කටයුතු ආරම්භ කළේය. 2018 අය වැය යෝජනාවලින් වැඩිම පංගුව ලැබිය යුත්තේ ඌව වෛද්ය පීඨයට ද, සබරගමුව වෛද්ය පීඨයට ද යන්න ගැන ලොකු ගැටුමක් නිර්මාණය විය. සබරගමුව නොව සුනිල් ශාන්ත උපකුලපතිතුමා ලොකුම කුට්ටිය රත්නපුරේ වෛද්ය පීඨයට ගෙනාවේය.
2019.01.17 දින සබරගමුව වෛද්ය පීඨය විවෘත කරන දිනයට සහභාගි වන්නට මටත් ඇරයුම්පතක් ලැබුණි. උපකුලපති සුනිල් ශාන්ත මහතා කාලයෙන් කාලයට වෛද්ය පීඨය ගැන බොහෝ දේ කියා ඇත. ඒ තමන්ගේම දරුවෙකු උස්මහත්වී වැඩෙන ආකාරයක දකින පියෙකු ගේ සෙනෙහස සතුට පෙරදැරිවය. 2019 දී සෞදි රජය වෛද්ය පීඨයට මුදල් ලබාදීමට එකඟත්වය පළ කරනු ලැබීය.
2022 දී බංකොලොත් රටක විශ්වවිද්යාල ඉදිකිරීම් සඳහා අති විශාල මුදල් ප්රමාණයක් ලබා ගැනීමට හැකිවූ බැවින් ඉදිකිරීමේ අවසන් කරන්නට හැකිවී ඇත. 2022 – 2024 යුගයේ ජනාධිපති කාර්යාලයට වැඩිපුරව වද දුන් පුද්ගලයා ලෙස මහාචාර්ය සුනිල් ශාන්ත ඉතිහාසගත වන්නේ තමන් වෙනුවෙන් නොව ආයතනය වෙනුවෙනි.
මේ වන විට වෙද්ය පිඨයේ ශිෂ්ය කණ්ඩායම් දෙකක් අවසන් විභාගය ලියා ඇති අතර මේ වන විට තෙවන කණ්ඩායම ද විභාගයට සුදානම් ය.
2024 දී බලයට පත් ආණ්ඩුව ප්රමුඛත්වය දුන්නේ උපකුලපති සුනිල් ශාන්ත ධූරයෙන් ඉවත් කිරීමටය. ඔවුන් එය සාර්ථකව අවසන් කර ඇත. වෛද්ය පීඨයේ ගොඩනැගිල්ලක් විවෘත කිරීම, වෛද්ය පීඨය විවෘත කිරීම ලෙස දැවැන්ත මාධ්ය ප්රචාරයක් ගෙන යමින් ඇත. අනුන්ගේ දරුවන්ට උප්පැන්න ලබාදීම ගැන වද විය යුතු නැත.
සබරගමුව විශ්වවිද්යාලය පිහිටුවා අද තිබෙන තත්වයට ගෙන ඒමට මැදිහත්වූ දේශපාලනඥයින් කිසිවෙකුත් අද පීත්ත පටි කපන්නට ආරාධනා ලැබ නැත. අවම වශයෙන් දැන් දශක තුනකට වැඩි කාලයක් වද වුණු හාමුදුරුවන් වහන්සේටවත් ආරාධනයක් ලැබී නැත. සබරගමුව වෛද්ය පීඨයේ ඉතිහාස කතාව මකා දමන්නට අපහසු කතාවකි.
